ശ്രീനഗർ: ജമ്മു കശ്മീർ മുഖ്യമന്ത്രിയും നാഷണൽ കോൺഫറൻസ് നേതാവുമായ ഒമർ അബ്ദുള്ളയും മാധ്യമപ്രവർത്തക നിധി റസ്ദാനും വിവാഹിതരായി. സാമൂഹികമാധ്യമങ്ങളിലൂടെയാണ് ഒമർ അബ്ദുള്ള വിവാഹവാർത്ത പങ്കുവെച്ചത്. ‘ഒരു പുതിയ യാത്ര ഇന്നലെ ആരംഭിച്ചു’ എന്ന കുറിപ്പോടെയാണിത്. നിധിയെ ടാഗ് ചെയ്തിട്ടുമുണ്ട്.

To advertise here,

ഇക്കഴിഞ്ഞ ജൂലൈ 31-ന് പായൽ അബ്ദുള്ളയിൽനിന്ന് ഒമർ അബ്ദുള്ളയ്ക്ക് സുപ്രീം കോടതി വിവാഹമോചനം അനുവദിച്ചിരുന്നു. പരസ്പര സമ്മതത്തോടെ ബന്ധം അവസാനിപ്പിക്കാനും നിലവിലുള്ള എല്ലാ തർക്കങ്ങളും പരിഹരിക്കാനും തീരുമാനിച്ചതായി കോടതിയെ അറിയിച്ചതിനെത്തുടർന്നായിരുന്നു ഇത്. പരസ്പരം നൽകിയ കേസുകൾ പിൻവലിക്കാനും ഇരുവരും സമ്മതിച്ചിരുന്നു. 

വിവാഹമോചനം അനുവദിക്കാതിരുന്ന ഡൽഹി ഹൈക്കോടതി നടപടിയെ ചോദ്യംചെയ്താണ് ഒമർ സുപ്രീം കോടതിയെ സമീപിച്ചിരുന്നത്.