മുംബൈ: വന്ദേഭാരത് എക്സ്പ്രസില് ഇനി സിനിമയും എടുക്കാം. മുംബൈ-അഹമ്മദാബാദ് വന്ദേഭാരതില് പരസ്യചിത്രം ചിത്രീകരിക്കാന് പശ്ചിമറെയില്വേ അനുമതി നല്കി. മുംബൈ സെന്ട്രല് റെയില്വേ സ്റ്റേഷനിലെ അഞ്ചാം നമ്പര് പ്ലാറ്റ്ഫോമില് ബുധനാഴ്ച ഒരുദിവസത്തെ ചിത്രീകരണത്തിന് 21 ലക്ഷം രൂപ റെയില്വേക്ക് ലഭിച്ചു.
വന്ദേഭാരതില് ആദ്യമായാണ് ചിത്രീകരണം അനുവദിക്കുന്നത്. 2024-2025 സാമ്പത്തികവര്ഷം നാല് പരസ്യ ചിത്രങ്ങള്, മൂന്ന് ഫീച്ചര് ഫിലിമുകള്, ഒരു വെബ് സീരീസ്, ഒരു ടി.വി. പ്രമോ ഷൂട്ട് എന്നിവയുള്പ്പെടെ ഒന്പത് ഷൂട്ടിങ് പദ്ധതികള്ക്ക് പശ്ചിമ റെയില്വേ അനുമതി നല്കിയിട്ടുണ്ട്. ഇവയില്നിന്നുമായി പശ്ചിമ റെയില്വേക്ക് ഒരു കോടിയോളം രൂപ വരുമാനം ലഭിക്കും.
ഏകജാലക ക്ലിയറന്സ് സംവിധാനം നിലവില് വന്നതോടെ സിനിമാ ചിത്രീകരണത്തിന് അനുമതി ലഭിക്കുന്നത് എളുപ്പമായതായി റെയില്വേ വ്യക്തമാക്കി. ഈ സംരംഭം റെയില്വേയുടെ വരുമാനം ഗണ്യമായി വര്ധിപ്പിക്കുകയും സിനിമാക്കാരെ റെയില്വേ ലൊക്കേഷനുകളിലേക്ക് ആകര്ഷിക്കുകയും ചെയ്യുമെന്ന് പശ്ചിമ റെയില്വേ അധികൃതര് പറഞ്ഞു.
Content Highlights: Western Railway allows film shooting on Mumbai-Ahmedabad Vande Bharat Express
Published: 10 Jan 2025, 10:08 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented