
ടൊവിനോ തോമസിനേയും അന്ന ബെന്നിനേയും കേന്ദ്രകഥാപാത്രങ്ങളാക്കി ആഷിഖ് അബു സംവിധാനം ചെയ്ത നാരദന് മാർച്ച് 3ന് തീയേറ്ററുകളിൽ എത്തുന്നു. ജനുവരി 27ന് റിലീസിനെത്തേണ്ടിയിരുന്ന ചിത്രമാണ് നാരദൻ. കോവിഡ് വ്യാപനത്തെത്തുടർന്നാണ് ചിത്രത്തിന്റെ റിലീസ് മാറ്റി വച്ചത്.
സമകാലിക ഇന്ത്യയിലെ മാധ്യമ ലോകത്തെ അടിസ്ഥാനമാക്കിയാണ് നാരദന് ഒരുക്കിയിരിക്കുന്നത്. മായാനദിക്ക് ശേഷം ആഷിഖും ടൊവിനോയും ഒന്നിക്കുന്ന ചിത്രം കൂടിയാണിത്. ഉണ്ണി. ആര്. ആണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്. രണ്ട് വ്യത്യസ്ത ഗെറ്റപ്പുകളിലാണ് ടൊവിനോ സിനിമയിലെത്തുന്നത്.
ഷറഫുദ്ദീന്, ഇന്ദ്രന്സ്, ജാഫര് ഇടുക്കി, വിജയ രാഘവന്, ജോയ് മാത്യു, രണ്ജി പണിക്കര്, രഘുനാഥ് പാലേരി, ദീപന് ശിവരാമന്, ജയരാജ് വാര്യര് തുടങ്ങി വന്താരനിരയാണ് ചിത്രത്തിലെ മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്.
സന്തോഷ് കുരുവിളയും റിമാ കല്ലിങ്കലും ആഷിഖ് അബുവും ചേര്ന്നാണ് ചിത്രത്തിന്റെ നിര്മ്മാണം. ജാഫര് സാദിഖ് ആണ് ക്യാമറ, സൈജു ശ്രീധരനാണ് എഡിറ്റിംഗ്. സംഗീത സംവിധാനം ഡി.ജെ ശേഖര് മേനോനും ഒര്ജിനല് സൗണ്ട് ട്രാക്ക് നേഹയും യാക്സണ് പെരേരയുമാണ് ഒരുക്കിയിരിക്കുന്നത്. ആര്ട്ട് ഗോകുല് ദാസ്. വസ്ത്രലങ്കാരം മഷര് ഹംസ, മേക്കപ്പ് റോണക്സ് സേവിയര്, എക്സിക്യൂട്ടീവ് പ്രൊഡ്യൂസര് ആബിദ് അബു -വസിം ഹൈദര്, പ്രൊഡക്ഷന് കണ്ട്രോളര് ബെന്നി കട്ടപ്പന, വിതരണം ഒ.പി.എം സിനിമാസ്, പി.ആര്.ഒ ആതിര ദില്ജിത്ത്.
Content Highlights: Tovino Thomas Aashiq Abu Movie Naradhan Movie Naradhan to release on March
Published: 04 Feb 2022, 11:33 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented