ഷെയിന് നിഗത്തെ നായകനാക്കി നവാഗതനായ വീര സംവിധാനം ചെയ്യുന്ന 'ഹാല്' എന്ന ചിത്രത്തിന്റെ റിലീസ് അനൗണ്സ്മെന്റ് പോസ്റ്റര് പുറത്തിറങ്ങി. സെപ്റ്റംബര് 12-നാണ് സിനിമയുടെ വേള്ഡ് വൈഡ് റിലീസ്. പരസ്പരം പ്രണയിക്കുന്നവരുടെ സ്വപ്നങ്ങളിലെ ദൃശ്യങ്ങള് പോലൊരു രംഗമാണ് പോസ്റ്ററില് അവതരിപ്പിച്ചിരിക്കുന്നത്. ഷെയിന് നിഗത്തിന്റെ കരിയറിലെ തന്നെ ബിഗ് ബജറ്റ് ചിത്രമായി എത്തുന്ന 'ഹാലി'ല് സാക്ഷി വൈദ്യയാണ് നായികയായി എത്തുന്നത്.
ജോണി ആന്റണി, നത്ത്, വിനീത് ബീപ്കുമാര്, കെ. മധുപാല്, സംഗീത മാധവന് നായര്, ജോയ് മാത്യു, നിഷാന്ത് സാഗര്, നിയാസ് ബക്കര്, റിയാസ് നര്മകാല, സുരേഷ് കൃഷ്ണ, രവീന്ദ്രന്, സോഹന് സീനുലാല്, മനോജ് കെ.യു, ഉണ്ണിരാജ, ശ്രീധന്യ തുടങ്ങിയവരും ചിത്രത്തില് ശ്രദ്ധേയ വേഷങ്ങളില് എത്തുന്നുണ്ട്. മലയാളത്തിന് പുറമെ ഹിന്ദി, തെലുങ്ക്, തമിഴ്, കന്നഡ എന്നീ ഭാഷകളിലായി ഒരേ സമയം റിലീസ് ചെയ്യുന്ന ചിത്രം ഒരു കംപ്ലീറ്റ് കളര്ഫുള് എന്റര്ടെയ്നര് ആയിരിക്കുമെന്നാണ് സൂചന. ബോളിവുഡിലെ ശ്രദ്ധേയ ഗായകന് അങ്കിത് തിവാരി മലയാളത്തിലേക്ക് ആദ്യമായി എത്തുന്ന സിനിമ കൂടിയാണിത്.
സിനിമയുടെ ഫസ്റ്റ് ലുക്കും മോഷന് പോസ്റ്ററും പാട്ടും അടുത്തിടെ പുറത്തിറങ്ങിയിരുന്നത് ശ്രദ്ധേയമായിരുന്നു. 90 ദിവസമാണ് ഹാലിന്റെ ചിത്രീകരണം നീണ്ടുനിന്നത്. സംഗീതത്തിന് പ്രാധാന്യം നല്കി എത്തുന്ന ചിത്രം ജെവിജെ പ്രൊഡക്ഷന്സിന്റെ ബാനറിലാണ് ഒരുങ്ങുന്നത്. ഹാലിന്റെ രചന നിര്വഹിച്ചിരിക്കുന്നത് നിഷാദ് കോയയാണ്. ഓര്ഡിനറി, മധുര നാരങ്ങ, തോപ്പില് ജോപ്പന്, ശിക്കാരി ശംഭു എന്നീ ചിത്രങ്ങള്ക്ക് ശേഷം നിഷാദ് കോയ രചന നിര്വഹിക്കുന്ന സിനിമയാണ് 'ഹാല്'. തിങ്ക് മ്യൂസിക്കാണ് മ്യൂസിക് പാര്ട്നര്.
ചിത്രത്തിന്റെ സംഗീതം നിര്വഹിച്ചിരിക്കുന്നത് നന്ദഗോപന് വി ആണ്. ഛായാഗ്രഹണം: രവി ചന്ദ്രന്, എഡിറ്റര്: ആകാശ് ജോസഫ് വര്ഗ്ഗീസ്, ആര്ട്ട് ഡയറക്ടര്: നാഥന്, പ്രശാന്ത് മാധവ്, പ്രൊജക്റ്റ് ഡിസൈനര്: ഷംനാസ് എം. അഷ്റഫ്, കോസ്റ്റ്യൂം ഡിസൈന്: ധന്യ ബാലകൃഷ്ണ, തന്വീര് അഹമ്മദ്, പ്രൊഡക്ഷന് കണ്ട്രോളര്: ജിനു പി.കെ, മേക്കപ്പ്: അമല് ചന്ദ്രന്, കോറിയോഗ്രഫി: സാന്ഡി, ഷെരീഫ് മാസ്റ്റര്, ദിനേശ് മാസ്റ്റര്, മാനിഷാദ, ഗാനരചന: വിനായക് ശശികുമാര്, ബിന്സ്, മുത്തു, നീരജ് കുമാര്, മൃദുല് മീര്, അബി, സ്റ്റില്സ്: എസ്ബികെ ഷുഹൈബ്, രാജേഷ് നടരാജന്, സൗണ്ട് ഡിസൈന്: അനെക്സ് കുര്യന്, സൗണ്ട് മിക്സിങ്: വിഷ്ണു സുജാതന്, വിഎഫ്എക്സ്: ഡോട്ട് വിഎഫ്എക്സ് സ്റ്റുഡിയോസ്, ഡിഐ: കളര്പ്ലാനറ്റ്, ചീഫ് അസോ. ഡയറക്ടര്: മനീഷ് ഭാര്ഗ്ഗവന്, അസോസിയേറ്റ് ഡയറക്ടര്: പ്രവീണ് എസ് വിജയ്, പ്രൊജക്ട് കോ-ഓര്ഡിനേറ്റര്: ജിബു.ജെടിടി, ഷിസാദ്, ഡിജിറ്റല് മാര്ക്കറ്റിങ്: വൈശാഖ് വടക്കേ വീടന്, ജിനു അനില്കുമാര്, പബ്ലിസിറ്റി ഡിസൈന്സ്: ടെന് പോയിന്റ്, വിതരണം: ജെവിജെ റിലീസ് ത്രൂ രാജ്സാഗര് ഫിലിംസ്, ഓവര്സീസ് ഡിസ്ട്രിബ്യൂഷന്: ഫാര്സ് ഫിലിംസ്, പിആര്ഒ: വാഴൂര് ജോസ്, ആതിര ദില്ജിത്ത്.
Content Highlights: Shane Nigam movie Haal will release on September 12
Published: 08 Aug 2025, 09:46 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented