ശ്രീനിവസന്റെ വിയോഗത്തിൽ വികാരാധീനനായി പ്രതികരിച്ച് നടൻ ഷമ്മി തിലകൻ. ശ്രീനിവാസനൊപ്പം അഭിനയിച്ചിട്ടില്ലെങ്കിലും ഒരു ആത്മസുഹൃത്തിനെ നഷ്ടപ്പെടുന്ന വേദനയാണ് ഇപ്പോൾ തോന്നുന്നതെന്ന് ഷമ്മി തിലകൻ പറയുന്നു. തന്റെ പിതാവ് തിലകനുമായുള്ള ശ്രീനിവാസന്റെ സൗഹൃദത്തെ കുറിച്ചും ഷമ്മി സംസാരിച്ചു.
'ഞാൻ അദ്ദേഹത്തോടൊപ്പം അഭിനയിച്ചിട്ടില്ല. അച്ഛന്റെ സുഹൃത്ത് എന്ന നിലയിലാണ് കൂടുതൽ അദ്ദേഹത്തെ അറിയുന്നത്. ഞാൻ അധികം കണ്ടിട്ടില്ലെങ്കിലും എന്നും കണ്ടുകൊണ്ടിരിക്കുന്ന ഒരാളെപ്പോലെ ഒരു ആത്മബന്ധം അദ്ദേഹവുമായി ഉണ്ടായിരുന്നു. ഇപ്പോഴാണ് ആ ബന്ധത്തിന്റെ ആഴം മനസിലാകുന്നത്. ഒരു ദിവസം അച്ഛന്റെ കൂടെ സന്ദേശത്തിന്റെ ലൊക്കേഷനിൽ ശ്രീനി ഏട്ടനെ ചെന്ന് കണ്ടിരുന്നു. അച്ഛനുമായുള്ള അദ്ദേഹത്തിന്റെ ബന്ധം ഓർക്കുമ്പോൾ വലിയ നഷ്ടബോധമുണ്ടാക്കുന്ന കാര്യമാണിത്.'-ഷമ്മി തിലകൻ പറയുന്നു.
സ്ക്രീനിലെ വേഷങ്ങൾ മാറിപ്പോകാമെന്നും എന്നാൽ ഹൃദയത്തിൽ ചേർത്ത സ്നേഹവും സൗഹൃദവും കാലത്തിനും മരണത്തിനും അതീതമാണെന്നും ഷമ്മി തിലകൻ ഫെയ്സ്ബുക്കിൽ കുറിച്ചു. വീട്ടിലെ ഒരാളെപ്പോലെയായിരുന്നുവെന്നും സിനിമയ്ക്കപ്പുറമുള്ള ബന്ധമായിരുന്നു അതെന്നും ഷമ്മി കുറിപ്പിൽ പറയുന്നു.
Content Highlights: shammy thilakan remembres sreenivasan
Published: 20 Dec 2025, 02:59 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented