തിരുവനന്തപുരം: സംസ്ഥാനത്ത് ജിഎസ്ടി അടയ്ക്കുന്ന സിനിമാതാരങ്ങളിൽ ഒന്നാമനായി നടൻ മോഹൻലാൽ. ജിഎസ്ടി ദിനാചരണത്തിന്റെ ഭാഗമായി കേന്ദ്ര ജിഎസ്ടി സംഘടിപ്പിച്ച ചടങ്ങിൽ വകുപ്പിന്റെ പുരസ്കാരം മന്ത്രി കെ.എൻ. ബാലഗോപാൽ അദ്ദേഹത്തിന് സമ്മാനിച്ചു. നികുതിനൽകുന്നതും രാഷ്ട്രസേവനമാണെന്നും രാജ്യത്തെ സുരക്ഷിതമാക്കുന്നതിൽ നികുതിപിരിവിന് നിർണായകപങ്കുണ്ടെന്നും പുരസ്കാരം സ്വീകരിച്ചുകൊണ്ട് മോഹൻലാൽ പറഞ്ഞു.

To advertise here,

മന്ത്രി കെ.എൻ. ബാലഗോപാൽ മുഖ്യപ്രഭാഷണം നടത്തി. കേരളത്തിലേക്ക് ഇതരസംസ്ഥാനങ്ങളിൽനിന്നെത്തുന്ന സാധനങ്ങളിൽനിന്ന്‌ അർഹതപ്പെട്ട ജിഎസ്ടി വിഹിതം ലഭിക്കുന്നില്ലെന്ന് മന്ത്രി പറഞ്ഞു. കൃത്യമായി ജിഎസ്ടി അടയ്ക്കുന്ന സ്ഥാപനങ്ങൾക്കുള്ള പുരസ്കാരങ്ങളും മന്ത്രി സമ്മാനിച്ചു.

placeholder
എന്താ മോനേ...: ജിഎസ്ടി ദിനാചരണത്തിന്റെ ഭാഗമായി തിരുവനന്തപുരം ടാഗോര്‍ തീയേറ്ററില്‍ നടന്ന ചടങ്ങില്‍ പങ്കെടുത്തു മടങ്ങുന്ന മോഹന്‍ലാലിനെ വളഞ്ഞ മാധ്യമസംഘത്തില്‍ ഒന്നിന്റെ മൈക്ക് അദ്ദേഹത്തിന്റെ കണ്ണില്‍ കൊണ്ടപ്പോള്‍. മാധ്യമപ്രവര്‍ത്തകരുടെ ചോദ്യത്തിനിടയിലുണ്ടായ തിക്കിലും തിരക്കിലുമാണ് ഒരു ചാനല്‍ മൈക്ക് കണ്ണില്‍ തട്ടിയത്. തിരികെ ദേഷ്യപ്പെടാതെ 'എന്താണ് മോനേ ഇതൊക്കെ കണ്ണിലേക്ക്' എന്ന് ചോദിച്ചായിരുന്നു മോഹന്‍ലാലിന്റെ പ്രതികരണം. വാഹനത്തില്‍ കയറിയശേഷം 'അവനെ ഞാന്‍ നോക്കിവെച്ചിട്ടുണ്ട്' എന്ന് തമാശ പറഞ്ഞായിരുന്നു മടക്കം.

മികവുപുലർത്തിയ ജീവനക്കാർക്കും പുരസ്കാരംനൽകി. ജിഎസ്ടി അവബോധത്തിനായി സ്കൂളുകളിൽ സംഘടിപ്പിച്ച കലാപരിപാടികളിലെ വിജയികളായ കുട്ടികൾക്ക് മോഹൻലാൽ പുരസ്കാരം സമ്മാനിച്ചു. ജിഎസ്ടി കമ്മിഷണർ കാളിമുത്തു, കേരള റീജണൽ കമ്മിഷണർ കാദിർ റഹ്‌മാൻ എന്നിവർ സംസാരിച്ചു.