കുഞ്ഞ് ആരാധികയെ വാത്സല്യത്തോടെ ചേർത്തുപിടിച്ച് നടൻ മമ്മൂട്ടി. താരത്തെ കെട്ടിപ്പിടിക്കണമെന്ന് കുട്ടി പറഞ്ഞതിന് പിന്നാലെ അടുത്തേയ്ക്ക് വരാൻ നടൻ പറയുകയായിരുന്നു. ചുരുങ്ങിയ സമയം കൊണ്ട് വീഡിയോ സോഷ്യൽ മീഡിയയിൽ വെെറലായി.
'അമ്മ' കോംപ്ലക്സ് ഹാളിൽ സംഘടിപ്പിച്ച രണ്ടുദിവസത്തെ നൃത്ത ശില്പശാലയുടെ സമാപന ചടങ്ങിനിടെയായിരുന്നു സംഭവം. സമാപന ചടങ്ങിൽ മമ്മൂട്ടി മുഖ്യാതിഥിയായി പങ്കെടുത്തിരുന്നു. അവിടെ കൂടിയിരുന്ന താരങ്ങൾ ആർപ്പുവിളികളോടെയാണ് ഈ രംഗത്തിന് സാക്ഷിയായത്.
നടനും സംവിധായകനുമായ ബേസിൽ ജോസഫ് ചടങ്ങിൽ സന്നിഹിതനായിരുന്നു. ക്യാമ്പിൽ പങ്കെടുത്തവർക്ക് മമ്മൂട്ടിയും ബേസിലും ചേർന്ന് സർട്ടിഫിക്കറ്റുകൾ സമ്മാനിച്ചു. 'അമ്മ' അംഗങ്ങളും ചടങ്ങിൽ എത്തിയിരുന്നു.
ചലച്ചിത്ര താരം സരയു കോ-ഓർഡിനേറ്റ് ചെയ്ത നൃത്ത ശില്പശാലയിൽ രചന നാരായണൻകുട്ടിയുടെ നേതൃത്വത്തിലായിരുന്നു ക്ലാസ്. ആദ്യമായി 'അമ്മ' സംഘടിപ്പിച്ച വർക്ക്ഷോപ്പിൽ, ലഭിച്ച അപേക്ഷകരിൽ നിന്നും തിരഞ്ഞെടുത്ത മുപ്പത്തിയൊന്ന് പേർ പങ്കെടുത്തു. പന്ത്രണ്ടു വയസ് മുതൽ ഉള്ളവർ പങ്കെടുത്ത ഈ ക്യാമ്പിൽ ലണ്ടൻ, ബെംഗളൂരു, മുംബെെ എന്നിവിടങ്ങളിൽ നിന്നുള്ളവരുണ്ടായിരുന്നു.
കലാ സിനിമാ സ്നേഹികളായ പൊതു ജനങ്ങളെ ചേർത്തു നിർത്തി താര സംഘടനയായ അമ്മ സംഘടിപ്പിച്ച നൃത്ത ശില്പശാല ശനിയാഴ്ച 'അമ്മ' പ്രസിഡന്റ് മോഹൻലാലാണ് ഉദ്ഘാടനം ചെയ്തത്.
Content Highlights: mammootty hugs fan girl, AMMA dance workshop, Viral Video
Published: 14 Aug 2024, 11:10 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented