ഈച്ചയും മനുഷ്യരുമായുള്ള അപൂര്വ്വമായൊരു ആത്മബന്ധത്തിന്റെ കഥയുമായെത്തുന്ന ഹൈബ്രിഡ് ത്രീഡി ചിത്രം 'ലൗലി' നാളെ മുതല് തീയേറ്ററുകളില്. മാത്യു തോമസിനെ നായകനാക്കി ദിലീഷ് കരുണാകരന് സംവിധാനം ചെയ്യുന്ന ചിത്രത്തിന്റേതായി പുറത്തിറങ്ങിയ ടീസറും പാട്ടുകളുമൊക്കെ ഇതിനകം വൈറലാണ്. ചിത്രത്തില് ഒരു ഈച്ചയാണ് നായികയായി എത്തുന്നത് എന്നതാണ് പ്രത്യേകത. വേനലവധിക്കാലത്ത് പ്രത്യേകിച്ച് കുട്ടികളേയും കുടുംബങ്ങളേയും ലക്ഷ്യമിട്ടുകൊണ്ടാണ് ഈ ത്രീഡി ചിത്രം എത്തുന്നത്.
ഒരു ആനിമേറ്റഡ് ക്യാരക്ടര് മുഖ്യകഥാപാത്രമായെത്തുന്ന ഹൈബ്രിഡ് ചിത്രം എന്ന പ്രത്യേകതയും 'ലൗലി'യ്ക്കുണ്ട്. ഹോളിവുഡിലും മറ്റും മുഖ്യധാരാ സിനിമാ താരങ്ങള് തന്നെ ആനിമേറ്റഡ് ക്യാരക്ടറുകള്ക്ക് ശബ്ദം നല്കുന്നതുപോലെ ഈ ചിത്രത്തില് നായികയായെത്തുന്ന ഈച്ചയ്ക്ക് ശബ്ദം കൊടുത്തിരിക്കുന്നത് ശിവാംഗി കൃഷ്ണകുമാറാണ്. 'ടമാര് പഠാര്' എന്ന ചിത്രത്തിന് ശേഷം ദിലീഷ് കരുണാകരന് തിരക്കഥയൊരുക്കി സംവിധാനം ചെയ്യുന്ന ചിത്രമാണ് 'ലൗലി'. 'സോള്ട്ട് ആന്ഡ് പെപ്പര്', 'ടാ തടിയാ', 'ഇടുക്കി ഗോള്ഡ്', 'മായാനദി' തുടങ്ങിയ സിനിമകളില് ശ്യാം പുഷ്കരനൊപ്പം തിരക്കഥാരചനയില് പങ്കാളിയായിരുന്നു ദിലീഷ്.
സെമി ഫാന്റസി ജോണറിലെത്തുന്ന ചിത്രം നിര്മിക്കുന്നത് വെസ്റ്റേണ് ഗട്ട്സ് പ്രൊഡക്ഷന്സിന്റെയും നേനി എന്റര്ടെയ്ന്മെന്റ്സിന്റേയും ബാനറില് ശരണ്യ സി. നായരും ഡോ. അമര് രാമചന്ദ്രനും ചേര്ന്നാണ്. മാത്യു തോമസിനെ കൂടാതെ മനോജ് കെ. ജയന്, കെ.പി.എ.സി. ലീല തുടങ്ങിയവരാണ് ചിത്രത്തില് പ്രധാനവേഷങ്ങളിലെത്തുന്നത്. ചിത്രത്തിന്റെ ഛായാഗ്രഹണം നിര്വഹിക്കുന്നത് സംവിധായകന് ആഷിഖ് അബുവാണ്. വിഷ്ണു വിജയും ബിജിബാലും സംഗീത സംവിധാനം നിര്വഹിക്കുന്ന സിനിമയുടെ എഡിറ്റിംഗ് കിരണ് ദാസ് ആണ്.
ബേസ് സ്റ്റോറി: ശ്രീജിത്ത് ബാബു, പ്രൊഡക്ഷന് ഡിസൈന്: ജ്യോതിഷ് ശങ്കര്, കോ- പ്രൊഡ്യൂസര്: അരുണ് കുമാര് (നാവിയോ ഷിപ്പിംഗ്), പ്രമോദ് ഗോപാല്, ഡോ. വിമല് രാമചന്ദ്രന്, ആര്ട്ട്: കൃപേഷ് അയ്യപ്പന്കുട്ടി, പ്രൊഡക്ഷന് കണ്ട്രോളര്: കിഷോര് പുറക്കാട്ടിരി, സിജിഐ ആന്ഡ് വിഎഫ്എക്സ്: ലിറ്റില് ഹിപ്പോ സ്റ്റുഡിയോസ്, ക്യാരക്ടര് ഡിസൈന്: അഭിലാഷ്, കോസ്റ്റ്യൂം: ദീപ്തി അനുരാഗ്, സൗണ്ട് ഡിസൈന്: നിക്സണ് ജോര്ജ്, ഗാനരചന: സുഹൈല് കോയ, ചീഫ് അസോസിയേറ്റ് ഡയറക്ടര്: ഹരീഷ് തെക്കേപ്പാട്ട്, വെതര് സപ്പോര്ട്ട്: അഭിലാഷ് ജോസഫ്, ആക്ഷന് കോറിയോഗ്രഫി: കലൈ കിങ്സണ്, ഡിഐ: കളര് പ്ലാനറ്റ് സ്റ്റുഡിയോസ്, സൗണ്ട് മിക്സിങ്: സിനോയ് ജോസഫ്, പിആര്ഒ: എഎസ് ദിനേശ്, ആതിര ദില്ജിത്ത്, സ്റ്റില്സ്: ആര് റോഷന്, പബ്ലിസിറ്റി ഡിസൈന്: യെല്ലോ ടൂത്ത്സ്, മീഡിയ ഡിസൈന്സ്: ഡ്രിപ്വേവ് കളക്ടീവ്.
Content Highlights: Lovely: 3D Animated Family Film, In theaters from tomorrow!
Published: 15 May 2025, 06:23 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented