ദുല്ഖര് സല്മാന്റെ വേഫെറര് ഫിലിംസ് നിര്മിക്കുന്ന ഏഴാം ചിത്രമായ 'ലോകഃ- ചാപ്റ്റര് വണ്: ചന്ദ്ര'യുടെ ടീസര് ജൂലൈ 28-നു റിലീസ് ചെയ്യും. കല്യാണി പ്രിയദര്ശന്, നസ്ലിന് എന്നിവര് പ്രധാന വേഷങ്ങളിലെത്തുന്ന 'ലോകഃ' ഒരു സൂപ്പര് ഹീറോ ചിത്രമായാണ് ഒരുക്കിയിരിക്കുന്നത്. ഡൊമിനിക് അരുണ് രചിച്ച് സംവിധാനംചെയ്ത ചിത്രം വമ്പന് ബജറ്റിലാണ് ഒരുങ്ങുന്നത്. 'ലോകഃ' എന്ന് പേരുള്ള സൂപ്പര്ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമാണ് 'ചന്ദ്ര'. ഒരു സൂപ്പര്ഹീറോ കഥാപാത്രമായാണ് കല്യാണി ചിത്രത്തില് വേഷമിട്ടിരിക്കുന്നത്.
ചിത്രത്തിന്റെ ഫസ്റ്റ് ലുക്ക് പോസ്റ്റര് നേരത്തെ പുറത്തു വന്നിരുന്നു. മലയാളി പ്രേക്ഷകര് ഇന്നോളം കാണാത്ത കഥാപശ്ചാത്തലത്തിലാണ് ചിത്രം ഒരുക്കിയിരിക്കുന്നത് എന്ന സൂചനയാണ് ഫസ്റ്റ് ലുക്ക് പോസ്റ്റര് തന്നത്. ചന്ദു സലിം കുമാര്, അരുണ് കുര്യന്, ശാന്തി ബാലചന്ദ്രന് എന്നിവരും നിര്ണായക വേഷങ്ങള് ചെയ്യുന്ന ചിത്രം വമ്പന് പ്രതീക്ഷകളോടെയാണ് പ്രേക്ഷകര് കാത്തിരിക്കുന്നത്. ഒന്നിലധികം ഭാഗങ്ങളില് ഒരുങ്ങുന്ന ഒരു സിനിമാറ്റിക്ക് യൂണിവേഴ്സിന്റെ ആദ്യ ഭാഗമാണ് 'ലോകഃ- ചാപ്റ്റര് വണ്: ചന്ദ്ര'.
ഛായാഗ്രഹണം: നിമിഷ് രവി, സംഗീതം: ജേക്സ് ബിജോയ്, എഡിറ്റര്: ചമന് ചാക്കോ, എക്സിക്യൂട്ടീവ് പ്രൊഡ്യൂസേഴ്സ്: ജോം വര്ഗീസ്, ബിബിന് പെരുമ്പള്ളി, അഡീഷണല് തിരക്കഥ: ശാന്തി ബാലചന്ദ്രന്, പ്രൊഡക്ഷന് ഡിസൈനര്: ബംഗ്ലാന്, കലാസംവിധായകന്: ജിത്തു സെബാസ്റ്റ്യന്, മേക്കപ്പ്: റൊണക്സ് സേവ്യര്, കോസ്റ്റ്യൂം ഡിസൈനര്: മെല്വി ജെ, അര്ച്ചന റാവു, സ്റ്റില്സ്: രോഹിത് കെ. സുരേഷ്, അമല് കെ. സദര്, ആക്ഷന് കൊറിയോഗ്രാഫര്: യാനിക്ക് ബെന്, പ്രൊഡക്ഷന് കണ്ട്രോളര്: റിനി ദിവാകര്, വിനോഷ് കൈമള്, ചീഫ് അസോസിയേറ്റ്: സുജിത്ത് സുരേഷ്, പിആര്ഒ: ശബരി.
Content Highlights: Dulquer Salmaan Wayfarer Films superhero movie `Lokah: Chapter One- Chandra` teaser on July 28th
Published: 25 Jul 2025, 09:00 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented