പാന് ഇന്ത്യന് ഹിറ്റായി തിയേറ്ററുകളില് നിറഞ്ഞ സദസ്സില് പ്രദര്ശനം തുടരുകയാണ് മലയാളത്തില് നിന്നുള്ള സൂപ്പര് ഹീറോ ചിത്രം ലോക: ചാപ്റ്റര് 1: ചന്ദ്ര. കല്യാണി പ്രിയദര്ശന് പ്രധാനവേഷത്തിലെത്തിയ ചിത്രം നിര്മിച്ചിരിക്കുന്നത് ദുല്ഖര് സല്മാന്റെ വെയ്ഫറര് ഫിലിംസാണ്. ഇപ്പോഴിതാ ബോക്സ് ഓഫീസിലെ ചിത്രത്തിന്റെ കുതിപ്പ് എത്രത്തോളമാണെന്നതിന്റെ വ്യക്തമായ സൂചന പങ്കുവെച്ചിരിക്കുകയാണ് നിര്മാതാവായ ദുല്ഖര്.
Also Read: ആദ്യദിവസം 130-ലേറെ ലേറ്റ് നൈറ്റ് ഷോകള്; ബോക്സ് ഓഫീസില് കൊടുങ്കാറ്റായി 'ലോക: ചാപ്റ്റര് വണ്'
ഇതുവരെ പത്ത് ലക്ഷം ടിക്കറ്റുകള് വിറ്റുപോയെന്നാണ് ദുല്ഖര് സല്മാന് സാമൂഹികമാധ്യമങ്ങളിലൂടെ പങ്കുവെച്ചത്. ടിക്കറ്റ് ബുക്കിങ് പ്ലാറ്റ്ഫോമായ ബുക്ക് മൈ ഷോയിലൂടെ മാത്രം വിറ്റുപോയ ടിക്കറ്റുകളുടെ എണ്ണമാണ് ഇതെന്നും ദുല്ഖര് കൂട്ടിച്ചേര്ത്തു. മറ്റ് പ്ലാറ്റ്ഫോമുകളിലൂടെ വിറ്റതും നേരിട്ട് ബോക്സ് ഓഫീസിൽ നിന്ന് വിൽക്കുന്നതുമായ ടിക്കറ്റുകളും വിദേശരാജ്യങ്ങളിൽ വിറ്റ ടിക്കറ്റുകളും കൂടി കണക്കാക്കുമ്പോൾ ആകെ വിറ്റുപോയ ടിക്കറ്റുകളുടെ എണ്ണം ഇതിനേക്കാളും എത്രയോ കൂടുതലായിരിക്കും.
കല്യാണി പ്രിയദര്ശനൊപ്പം നസ്ലെനും ചിത്രത്തില് പ്രധാന വേഷത്തിലെത്തുന്നുണ്ട്. വമ്പന് ബജറ്റില് ഒരുക്കിയിരിക്കുന്ന 'ലോക'യുടെ രചനയും സംവിധാനവും ഡൊമിനിക് അരുണ് ആണ് നിര്വഹിച്ചത്. 'ലോക' എന്ന സൂപ്പര് ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമാണ് 'ചന്ദ്ര'.
Related News: 'ചെറിയ സ്വപ്നം വെച്ച് തുടങ്ങിയതാണ്', 'ലോക' കാണാൻ ദുൽഖറും താരങ്ങളും അബുദാബിയിൽ| വീഡിയോ
മലയാള സിനിമാ പ്രേക്ഷകര്ക്ക് മുന്നിലേക്ക് ഒരു അത്ഭുത ലോകമാണ് ചിത്രം തുറന്നിടുന്നത്. കേരളത്തിലെ പ്രശസ്തമായ ഐതിഹ്യമായ കള്ളിയങ്കാട്ട് നീലിയുടെ കഥയില് നിന്ന് പ്രചോദനം ഉള്ക്കൊണ്ട് ഒരുക്കിയ കഥാപാത്രമാണ് ചിത്രത്തിന്റെ ഹൈലൈറ്റ്. കേരളത്തിന്റെ സംസ്കാരത്തിലും മിത്തുകളിലും ഊന്നിയ സൂപ്പര്ഹീറോ ലോകം തന്നെയാണ് ചിത്രത്തിലൂടെ ഡൊമിനിക് അരുണ് സൃഷ്ടിച്ചിരിക്കുന്നത്.
Content Highlights: Lokah Chapter 1: Chandra: Dulquer Salmaan says one million tickets sold in Book My Show (BMS)
Published: 01 Sept 2025, 09:20 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented