ഷാരൂഖ് ഖാന്റെ പുതിയ ചിത്രം 'കിങ്ങി'ലെ ആദ്യ ഗാനം പുറത്തിറങ്ങി. 'തു മിൽ ജായേ' എന്ന് പേരിട്ടിരിക്കുന്ന പ്രണയഗാനത്തിൽ ഷാരൂഖ് ഖാനും ദീപിക പദുകോണുമാണ് പ്രധാന രംഗങ്ങളിൽ എത്തുന്നത്. ഷാരൂഖിന്റെ 61-ാം ജന്മദിനത്തോട് അനുബന്ധിച്ച് അർധരാത്രിയാണ് വീഡിയോ പുറത്തുവിട്ടത്.

To advertise here,

അരിജിത് സിങ്ങും എഡ് ഷീരാനും മധുബന്തി ബാഗ്ചിയും ചേർന്നാണ് ഗാനത്തിന് ശബ്ദം നൽകിയിരിക്കുന്നത്. ഗാനത്തിലെ ഇംഗ്ലീഷ് റാപ്പ് ഭാഗങ്ങളാണ് എഡ് ഷീരാൻ ആലപിച്ചിരിക്കുന്നത്. സച്ചിൻ-ജിഗർ സംഗീത സംവിധാനം നിർവഹിച്ച ഗാനത്തിന് വരികൾ കുറിച്ചിരിക്കുന്നത് കുമാർ ആണ്.

പ്രണയവും ആക്ഷനും കോർത്തിണക്കിയാണ് സംഗീത വീഡിയോ ഒരുക്കിയിരിക്കുന്നത്. ഷാരൂഖ് ഖാന്റെ മാസ് ഡയലോഗോടെയാണ് വീഡിയോ ആരംഭിക്കുന്നത്.

സിദ്ധാർഥ് ആനന്ദ് സംവിധാനം ചെയ്യുന്ന 'കിങ്' ഡിസംബർ 24-ന് തിയേറ്ററുകളിൽ എത്തും. റെഡ് ചില്ലീസ് എന്റർടെയ്ൻമെന്റ്‌സും മാർഫ്‌ലിക്‌സ് പിക്‌ചേഴ്‌സും ചേർന്നാണ് ചിത്രം നിർമിക്കുന്നത്. സുഹാന ഖാൻ, അഭിഷേക് ബച്ചൻ, ജയ്ദീപ് അഹ്‌ലാവത്, അഭയ് വർമ, അർഷാദ് വർസി തുടങ്ങിയ പ്രമുഖ താരങ്ങളും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.