നിവിന് പോളിയെ നായകനാക്കി റാം സംവിധാനം ചെയ്യുന്ന 'ഏഴ് കടല് ഏഴ് മലൈ'യിലെ ആദ്യഗാനം പുറത്തിറങ്ങി. 'മറുപടി നീ' എന്ന ഗാനത്തിന്റെ ലിറിക്കല് വീഡിയോയാണ് ഇപ്പോള് പുറത്തിറങ്ങിയിരിക്കുന്നത്. മദന് കര്ക്കിയുടെ വരികള്ക്ക് യുവന് ശങ്കര് രാജ ഈണമിട്ടിരിക്കുന്ന ഗാനം ആലപിച്ചിരിക്കുന്നത് യുവന് ശങ്കര് രാജയും സിദ്ധാര്ത്ഥും ചേര്ന്നാണ്. റോട്ടര്ഡാം ഇന്റര്നാഷണല് ഫിലിം ഫെസ്റ്റിവലില് വെച്ച് നടന്ന പ്രീമിയര് ഷോക്ക് ചിത്രത്തിന് മികച്ച പ്രതികരണങ്ങള് ലഭിച്ചിരുന്നു. വിവിധ രാജ്യങ്ങളില് നിന്നുള്ളവര് മാറ്റുരക്കുന്ന ഫിലിം ഫെസ്റ്റിവലില് നിരൂപകരില് നിന്നും പ്രേക്ഷകരില് നിന്നും ഗംഭീര പ്രതികരണമാണ് ചിത്രത്തിന് ലഭിച്ചത്. ശതാബ്ദങ്ങളായി പടര്ന്ന് പന്തലിച്ച് കിടക്കുന്ന പ്രണയത്തിന്റെയും സഹാനുഭൂതിയുടെയും അതിജീവനത്തിനത്തിന്റെയും മനോഹരമായ കഥയാണ് ഏഴ് കടല് ഏഴ് മലൈ.
പ്രണയം വ്യത്യസ്തമായ ഒരു രീതിയില് പ്രേക്ഷകര്ക്ക് മുന്നിലേക്ക് എത്തിക്കുന്ന ചിത്രമാണിത്. വി ഹൗസ് പ്രൊഡക്ഷന്സിന്റെ ബാനറില് സുരേഷ് കാമാച്ചി നിര്മിക്കുന്ന ഈ ബിഗ് ബഡ്ജറ്റ് ചിത്രത്തിന് ഹിറ്റ് സംഗീത സംവിധായകന് യുവന് ശങ്കര് രാജയാണ് സംഗീതം പകരുന്നത്.
'പേരന്പ്', 'തങ്കമീന്കള്', 'കട്രത് തമിഴ്', 'തരമണി' എന്നീ ചിത്രങ്ങള്ക്ക് ശേഷം ദേശീയ അവാര്ഡ് ജേതാവായ റാം സംവിധാനം നിര്വഹിക്കുന്ന ചിത്രമാണിത്. തമിഴ് നടന് സൂരിയും ഒരു പ്രധാന വേഷത്തിലെത്തുന്ന ചിത്രത്തില് അഞ്ജലിയാണ് നായിക. ഛായാഗ്രഹണം: എന് കെ ഏകാംബരം, ചിത്രസംയോജനം: മതി വി എസ്, വസ്ത്രാലങ്കാരം: ചന്ദ്രക്കാന്ത് സോനവാനെ, മേക്കപ്പ്: പട്ടണം റഷീദ്, പ്രൊഡക്ഷന് ഡിസൈനര്: ഉമേഷ് ജെ കുമാര്, ആക്ഷന്: സ്റ്റണ്ട് സില്വ, കൊറിയോഗ്രഫി: സാന്ഡി, പിആര്ഒ: ശബരി, ഡിജിറ്റല് മാര്ക്കറ്റിംഗ് - അനൂപ് സുന്ദരന്.
Content Highlights: nivin pauly ram anjali yezhu kadal yezhu malai songs lyrical video, Siddharth, yuvan shankar raja
Published: 15 Feb 2024, 08:02 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented