രാജ്യമൊട്ടാകെ അടച്ചിട്ട സാഹചര്യത്തില്‍ ഇത്തവണത്തെ അക്ഷയ തൃതീയ കച്ചവടം ഓണ്‍ലൈനിലാകും.
ഏപ്രില്‍ 26നാണ് അക്ഷയ തൃതീയ. അതിനായി ജുവല്ലറികള്‍ ഒരുങ്ങിക്കഴിഞ്ഞു. സ്വര്‍ണംവാങ്ങാന്‍ ഉപഭോക്താക്കളുടെ അന്വേഷണം കാര്യമായുള്ളതിനാല്‍ ഇത്തവണ ഓണ്‍ലൈന്‍ വിപണനത്തിനുള്ള ഒരുക്കത്തിലാണ് ജുവല്ലറികള്‍.
അതിന്റെ ഭാഗമായി കല്യണ്‍ ജുവല്ലേഴ്‌സ് ഗോള്‍ഡ് ഓണര്‍ഷിപ്പ് സര്‍ട്ടിഫിക്കറ്റ് പുറത്തിറക്കി. രണ്ടുഗ്രാമോ അതിനുമുകളിലേയ്‌ക്കോ ഉള്ള സ്വര്‍ണം വാങ്ങാം. അക്ഷയ ത്രിതീയ ദിനത്തില്‍ ഇ-മെയില്‍ വഴിയോ, വാട്‌സാപ്പ് വഴിയോ സര്‍ട്ടിഫിക്കറ്റ് അയച്ചുകൊടുക്കും.
അക്ഷയ തൃതീയയ്ക്ക് എല്ലാവര്‍ഷവും സ്വര്‍ണം വാങ്ങുന്ന ഉപഭോക്താക്കള്‍ ജുവല്ലറികള്‍ക്കുണ്ട്. അവരെക്കൂടി ലക്ഷ്യംവെച്ചാണ് ഇത്തവണ ഓണ്‍ലൈന്‍ വിപണനം.
ടാറ്റ ബ്രാന്‍ഡായ തനിഷ്‌ക് അക്ഷയ തൃതീയയുടെ ഭാഗമായി ഏപ്രില്‍ 18 മുതല്‍ 27വരെ പ്രത്യേക ഓഫര്‍ പ്രഖ്യാപിച്ചിട്ടുണ്ട്. തനിഷ്‌കിന്റെ ഇ-കൊമേഴ്‌സ് പ്ലാറ്റുഫോമിലൂടെയാണ് ഇത് ലഭ്യമാകുക.
അടച്ചിടല്‍ തീരുമ്പോള്‍ ഷോറൂമുകളിലെത്തി സ്വര്‍ണം കയ്യില്‍വാങ്ങാം. അല്ലെങ്കില്‍ വീട്ടിലുമെത്തിക്കും.
Published: 20 Apr 2020, 10:04 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented