അസംസ്‌കൃത എണ്ണ വില ഇടിയാൻ തുടങ്ങിയതോടെ മൂല്യത്തിൽ നേട്ടമുണ്ടാക്കി രൂപ. മൂന്ന് മാസത്തിനിടെ ആദ്യമായാണ് ക്രൂഡ് വില ബാരലിന് 80 ഡോളറിന് താഴെയെത്തുന്നത്. ഇതോടെ രൂപയുടെ മൂല്യം യുഎസ് ഡോളറിനെതിരെ 94.46 നിലവാരത്തിലേയ്ക്ക് ഉയരുകയും ചെയ്തു.

To advertise here,

രൂപയുടെ മുന്നേറ്റം

  • ബുധനാഴ്ച വ്യാപാരം ആരംഭിച്ചപ്പോൾ രൂപയുടെ മൂല്യം ഡോളറിനെതിരെ 10 പൈസ വർധിച്ച് 94.46 എന്ന നിലയിലെത്തി. മുൻ സെഷനിൽ 94.56 ആയിരുന്നു.
  • നാല് വ്യാപാര ദിനങ്ങളിലായി രൂപയുടെ മൂല്യം ഒരു ശതമാനത്തിലധികം കൂടി.
  • ഡോളറിനെതിരെ 94.80 എന്ന നിർണായക നിലവാരം മറികടന്നതോടെ, വരും ദിവസങ്ങളിൽ രൂപയുടെ മൂല്യം 94.00 മുതൽ 93.80 വരെയാകാൻ സാധ്യതയുണ്ടെന്നാണ് വിലയിരുത്തൽ.

ക്രൂഡ് ഓയിൽ വിലയിടിവ്

നിലവാരം: ബ്രെന്റ് ക്രൂഡ് വില അഞ്ച് ശതമാനം ഇടിഞ്ഞ് ബാരലിന് 79 ഡോളറിനടുത്തെത്തി. അമേരിക്കയും ഇറാനും തമ്മിലുള്ള സമാധാന കരാറാണ് വില കുറയാൻ പ്രധാന കാരണം. ഇറാനിൽ നിന്നുള്ള എണ്ണ വിതരണം കൂടുമെന്ന പ്രതീക്ഷ വിപണിയിലുണ്ട്.

ക്രൂഡ് വിലയിടിവും വിദേശ നിക്ഷേപത്തിന്റെ വരവും രൂപയ്ക്ക് കരുത്തു പകരുമെന്ന കാര്യത്തിൽ സംശയമില്ല. വെള്ളിയാഴ്ച ജനീവയിൽ നടക്കുന്ന യുഎസ്-ഇറാൻ ചർച്ചകളും യുഎസ് ഫെഡറൽ റിസർവിന്റെ സാമ്പത്തിക നിലപാടുകളുമാകും വരും ദിവസങ്ങളിൽ വിപണിയുടെ ഗതി നിർണയിക്കുക.