വില്ലേജോഫീസിനായി ബദൽകെട്ടിടം നഗരസഭ കണ്ടെത്തണം
പരപ്പനങ്ങാടി : നഗരസഭാ ബസ്സ്റ്റാൻഡ് നിർമാണത്തിനായി നിലവിലുള്ള വില്ലേജോഫീസ് കെട്ടിടം പൊളിച്ചുമാറ്റാൻ വ്യവസ്ഥകളോടെ അനുമതിയായി.
ലാൻഡ് റവന്യൂ കമ്മിഷണറുടെയും കളക്ടറുടെയും കത്തുകളുടെയും 2024 ഒക്ടോബർ 22-ലെ സർക്കാർ ഉത്തരവിന്റെയും അടിസ്ഥാനത്തിലാണ് നടപടി.
ഇതുമായി ബന്ധപ്പെട്ട് വ്യവസ്ഥകൾ ഉൾപ്പെടുത്തി പരപ്പനങ്ങാടി നഗരസഭാ സെക്രട്ടറിയും തിരൂരങ്ങാടി തഹസിൽദാരും കരാറിൽ ഏർപ്പെട്ട് തുടർനടപടികൾ സ്വീകരിക്കണമെന്നാവശ്യപ്പെട്ട് തിരൂരങ്ങാടി തഹസിൽദാർ മുനിസിപ്പൽ സെക്രട്ടറിക്ക് കഴിഞ്ഞദിവസം കത്ത് നൽകിയിരുന്നു. പുതുതായി നിർമിക്കുന്ന നഗരസഭാ ബസ്സ്റ്റാൻഡിലേക്ക് റോഡ് നിർമിക്കണമെങ്കിൽ വില്ലേജോഫീസ് കെട്ടിടം പൊളിച്ചുമാറ്റണം. എന്നാൽ നിലവിലുള്ള വില്ലേജോഫീസ് കെട്ടിടം പൊളിച്ചുമാറ്റുന്നതിനുമുൻപ് വില്ലേജോഫീസിന് പ്രവർത്തിക്കാൻ അനുയോജ്യമായ ബദൽകെട്ടിടം നഗരസഭ ലഭ്യമാക്കണം.
ബദൽകെട്ടിടത്തിന് വാടകനൽകേണ്ടി വന്നാൽ അതിന്റെ മുഴുവൻ ചെലവും നഗരസഭ വഹിക്കണം. ബദൽ കെട്ടിടത്തിലേക്ക് വില്ലേജോഫീസ് മാറ്റിയശേഷം മാത്രമേ സർക്കാർ ഉത്തരവിലെ വ്യവസ്ഥകൾപാലിച്ച് പഴയ കെട്ടിടം പൊളിച്ചുമാറ്റാനാകൂ. കരാർ തീയതി മുതൽ 18 മാസത്തിനകം നഗരസഭ നിർദ്ദേശിക്കുന്ന സ്ഥലത്ത് പുതിയ സ്മാർട്ട് വില്ലേജോഫീസ് കെട്ടിടത്തിന്റെ നിർമ്മാണം പൂർത്തിയാക്കണം, തുടർന്ന് നിർദ്ദിഷ്ട ഭൂമിയും കെട്ടിടവും നിയമാനുസൃത നടപടിക്രമങ്ങൾ പാലിച്ച് കൈമാറണം എന്നീ വ്യവസ്ഥകളോടെയാണ് കരാർ.
Published: 22 Nov 2026, 03:04 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented