നിനക്കറിയാമായിരുന്നു,
അമ്മ എല്ലാം പറഞ്ഞുതന്നിരുന്നു
എന്നിട്ടും ആ ഓര്‍മകളെ കോരിയെടുക്കുമ്പോള്‍
എപ്പോഴൊക്കെയോ കൈവെള്ളയില്‍ മറഞ്ഞുപോയ *ചെങ്കറ ഈറനണിയുന്നില്ലേ?
പിന്നെ പൂവായി 
പൂമരമായി നീ 
സൗരഭ്യമായില്ലേ?

To advertise here,

ഒന്നുമറിയാതെ
നെഞ്ചു വിരിച്ചു നടന്ന
പാവമൊരാണ്‍മയില്‍ 
ചുട്ടുപൊള്ളിയ മീനമാസ പകലില്‍ ചുവന്നൊലിച്ചതും
പിന്നെ 'നിക്കറില്‍ മുള്ളി'യെന്ന് ഇരട്ടപ്പേരു വീണതും
പള്ളിക്കൂടാരവങ്ങള്‍ക്ക് പൂര്‍ണവിരാമമിട്ടതും
ചുവന്ന തെരുവിന്റെ
തുടയോരങ്ങളില്‍ 
പീലി വിടര്‍ത്തിയതും
നീ അറിഞ്ഞില്ലല്ലോ!

*ചെങ്കറ: ചുവന്ന കറ