തിരുവനന്തപുരം: സർക്കാർജീവനക്കാരുടെയും പെൻഷൻകാരുടെയും ഇൻഷുറൻസ് പദ്ധതിയായ മെഡിസെപ്പിന്റെ രണ്ടാംഘട്ടത്തിലെ പ്രീമിയം കുറച്ചു. നേരത്തേ നിശ്ചയിച്ച 810 രൂപയ്ക്ക് പകരം 687 രൂപയാണ് പ്രതിമാസം നൽകേണ്ടത്. വാർഷിക പ്രീമിയം 8244 രൂപ. ജിഎസ്ടി ഒഴിവാക്കാൻ സർക്കാർ തീരുമാനിച്ചതോടെയാണ് പ്രീമിയം കുറഞ്ഞത്. അടുത്തവർഷം പ്രീമിയം അഞ്ചുശതമാനം കൂടി 722 രൂപയാവും.
ജിഎസ്ടി ഒഴിവാക്കാൻ അഡ്വാൻസ് റൂളിങ് അതോറിറ്റിയാണ് അന്തിമാനുമതി നൽകേണ്ടത്. അതോറിറ്റിയിൽനിന്ന് അനുകൂല വിധിയുണ്ടായില്ലെങ്കിൽ ജിഎസ്ടി നൽകേണ്ടിവരും. മെഡിസെപ് രണ്ടാംഘട്ടം ഫെബ്രുവരി ഒന്നിന് തുടങ്ങാനും ഉത്തരവായി. രണ്ടുവർഷത്തേക്ക് പ്രതിവർഷം അഞ്ചുലക്ഷം രൂപയുടെ ചികിത്സയ്ക്കാണ് കവറേജ്. 2028 ജനുവരി 31-ന് കാലാവധി അവസാനിക്കും. ഒന്നാംഘട്ടത്തിലെ മറ്റ് വ്യവസ്ഥകൾക്ക് മാറ്റമില്ല. ചികിത്സാപാക്കേജുകളുടെ നിരക്ക് ഉയർത്തിയിട്ടുണ്ട്. ഫെബ്രുവരി ആദ്യം കിട്ടുന്ന ജനുവരിയിലെ ശമ്പളത്തിൽനിന്ന് ജീവനക്കാരുടെ പ്രീമിയം പിടിക്കും.
രണ്ടാംഘട്ടം (ഫെബ്രുവരി ഒന്നുമുതൽ)
- പ്രതിമാസ പ്രീമിയം -687 രൂപ
- വാർഷിക പ്രീമിയം-8244 രൂപ
- 2027 ഫെബ്രുവരിമുതൽ 722 രൂപ
Content Highlights: Medisep 2.0 brings reduced premiums for Kerala government employees.
Published: 22 Jan 2026, 07:43 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented