പുതുവത്സരം അടുക്കുമ്പോൾ പിന്നിട്ട വർഷത്തിലേക്കുള്ള തിരിഞ്ഞുനോട്ടം സാധാരണമാണ്. ബ്ലിങ്കിറ്റ് ആപ്പിലൂടെ വിറ്റഴിക്കപ്പെട്ട സാധാനങ്ങളുടെ വിചിത്രമായ കണക്കുകൾ പങ്കുവെച്ചിരിക്കുകയാണ് കമ്പനി.
ബ്ലിങ്കിറ്റിലൂടെ നടത്തിയ 2025-ലെ ഓർഡറുകൾ വെളിപ്പെടുത്തുന്ന '2025 ഇൻ എ ബ്ലിങ്ക്' ബിൽബോർഡ് ക്യാമ്പെയിലാണ് കണക്കുകൾ വ്യക്തമാക്കുന്നത്.
ഈ വർഷത്തെ ഓർഡർ ഡാറ്റയെ അടിസ്ഥാനമാക്കിയാണ് രസകരമായ ക്യാമ്പയിൻ ഒരുക്കിയിരിക്കുന്നത്. പലചരക്ക് സാധനങ്ങൾ മുതൽ വ്യക്തിഗത പരിചരണ ഉത്പന്നങ്ങൾ വരെ ലിസ്റ്റിലുണ്ട്. നിരത്തുകളിൽ നിറഞ്ഞ ബ്ലിങ്കിറ്റ് ബിൽബോർഡുകളിൽ പറയുന്ന ചില കണക്കുകൾ.
- നെയ്യ് ഓർഡറുകൾ: ഈ വർഷം ഇന്ത്യയിലുടനീളം 1,05,16,879 കിലോ നെയ്യാണ് ഉപഭോക്താക്കൾ ബ്ലിങ്കിറ്റ് വഴി ഓർഡർ ചെയ്തത്.
- മാഗിയും പാവയ്ക്കയും: ഒരാൾ മാത്രം ഈ വർഷം 2,417 പാക്കറ്റ് മാഗി ഓർഡർ ചെയ്തതായി ബ്ലിങ്കിറ്റ് കണക്കുകൾ പറയുന്നു. 33,88,145 പാവയ്ക്ക ഓർഡർ ചെയ്യപ്പെട്ടതായി ബിൽബോർഡുകൾ വ്യക്തമാക്കുന്നു.
- ഷാംപൂവും മറ്റ് ഉൽപ്പന്നങ്ങളും: ഏകദേശം 88,13,019 കുപ്പി ഷാംപൂവാണ് ഈ വർഷം വിറ്റഴിക്കപ്പെട്ടത്. പനിക്കും ചുമയ്ക്കും പ്രതിവിധിയായി തേനും ഇഞ്ചിയും 1,21,430 തവണ ഒന്നിച്ച് ഓർഡർ ചെയ്യപ്പെട്ടു.
ഉപഭോക്താക്കളുടെ ഉദാരമനസ്കതയും ക്യാമ്പയിനിൽ എടുത്തുപറയുന്നുണ്ട്. ഡെലിവറി പാർട്ണർമാർക്കായി 47,36,59,235 രൂപയാണ് ഇന്ത്യക്കാർ ഈ വർഷം ടിപ്പായി നൽകിയത്.
Content Highlights: Discover Blinkit`s `2025 in a Blink` campaign, revealing India`s bizarre shopping habits based on order data.
Published: 31 Dec 2025, 03:04 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented