രണ്ട് ബാറ്ററികള്‍ വാങ്ങിക്കൊടുത്തതായിരുന്നു പേരറിവാളന്‍ ചെയ്ത കുറ്റം. ആ ബാറ്ററി ഉപയോഗിച്ചത്, മുന്‍ പ്രധാനമന്ത്രി രാജീവ് ഗാന്ധിയെ വധിക്കാനുള്ള ബോംബ് പ്രവര്‍ത്തിപ്പിക്കാന്‍. ആ ബാറ്ററി വാങ്ങിയത് എന്തിനാണെന്ന് അയാള്‍ക്ക് അറിയില്ലായിരുന്നുവെന്ന് വര്‍ഷങ്ങള്‍ക്കിപ്പുറം അന്വേഷണ ഉദ്യോഗസ്ഥന്‍ വെളിപ്പെടുത്തുന്നു. ഒടുവില്‍, 31 വര്‍ഷം, യൗവനകാലം മുഴുവന്‍ ജയിലില്‍ കഴിഞ്ഞ ശേഷം 50-ാമത്തെ വയസ്സിലാണ് അയാള്‍ ജയില്‍ മോചിതനാകുന്നത്. 

To advertise here,

മേയ് 18-ന് പേരറിവാളന്‍ പുറത്തിറങ്ങുമ്പോള്‍, നീണ്ടകാലത്തെ കേസന്വേഷണത്തിന്റേയും കണ്ടെത്തലുകളുടേയും, സുപ്രീംകോടതി വരെ പലതവണ നീണ്ട വ്യവഹാരങ്ങളുടേയും കഥ പറയാനുണ്ട്. മാതാവ് അര്‍പ്പുതമ്മാളിന്റെ മുപ്പതുവര്‍ഷം നീണ്ട പോരാട്ടത്തിന്റെ ചരിത്രം കൂടിയാണ് അത്.