ബെംഗളൂരു: മൊബൈല്ഫോണ് റീച്ചാര്ജ് ചെയ്യാന് ഭര്ത്താവ് തയ്യാറാകാത്തതിന്റെ പേരിലുള്ള വഴക്കിനെത്തുടര്ന്ന് യുവതി വീടിനുമുകളില്നിന്ന് ചാടിമരിച്ചു. ബെംഗളൂരു കെങ്കേരിയില് താമസിച്ചിരുന്ന ഉത്തര്പ്രദേശ് സ്വദേശി ശിഖാദേവിയാണ് (28) മൂന്നാംനിലയില്നിന്ന് ചാടിയത്. ഭര്ത്താവ് സന്ദീപ് കുമാര് ഫോണ് റീച്ചാര്ജ് ചെയ്യാത്തതിന്റെ പേരില് ഇരുവരും തമ്മില് തര്ക്കമുണ്ടാകുകയും ശിഖാദേവി ഫോണ് വലിച്ചെറിഞ്ഞശേഷം വീടിന്റെ മട്ടുപ്പാവിലേക്കുപോയി അവിടെനിന്ന് ചാടുകയായിരുന്നു.
ഉടന്തന്നെ ആശുപത്രിയിലെത്തിച്ചുവെങ്കിലും ജീവന് രക്ഷിക്കാനായില്ല.
ആറുവര്ഷം മുന്പായിരുന്നു ശിഖാദേവിയുടെയും ബെംഗളൂരുവില് ജോലിചെയ്യുന്ന സന്ദീപിന്റെയും വിവാഹം. രണ്ടുവര്ഷം മുന്പാണ് ശിഖാദേവിയും രണ്ടുവയസ്സുകാരനായ മകനും ബെംഗളൂരുവില് സന്ദീപിനൊപ്പം താമസമാരംഭിച്ചത്. മരണത്തില് സംശയമില്ലെന്ന് ശിഖാദേവിയുടെ കുടുംബം അറിയിച്ചതായി പോലീസ് പറഞ്ഞു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. അത്തരം ചിന്തകളുളളപ്പോള് 'ദിശ' ഹെല്പ് ലൈനില് വിളിക്കുക. Toll free helpline number: 1056, 0471-2552056)
Content Highlights: Tragic incident in Bengaluru: A 28-year-old woman died after jumping from her apartment rooftop following a dispute with her husband over mobile recharge. Police confirm no foul play.
Published: 15 Oct 2025, 08:54 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented