ഊട്ടി, കൊടൈക്കനാല് യാത്രക്ക് ഇനിയും ഇ-പാസ് വേണം; സഞ്ചാരികളും വ്യാപാരികളും നിരാശയില്
ഊട്ടി ഉള്പ്പെടുന്ന നീലഗിരിജില്ലയിലും കൊടൈക്കനാലിലും ഏര്പ്പെടുത്തിയ ഇ-പാസ് സംവിധാനം തുടരും. മദ്രാസ് ഹൈക്കോടതി ഇനിയൊരു ഉത്തരവ് പുറപ്പെടുവിക്കുംവരെ ഇ-പാസ് തുടരുമെന്ന് നീലഗിരി ദിണ്ടിക്കല്ജില്ലാ കളക്ടര്മാര് അറിയിച്ചു. സെപ്തംബര് 30 ന് ഇ-പാസ് കാലാവധി കഴിഞ്ഞതോടെയാണ് വീണ്ടും നീട്ടിയത്.
ഹൈക്കോടതി ഉത്തരവിനെത്തുടര്ന്ന് മേയ് ഏഴുമുതലാണ് ഇ-പാസ് സംവിധാനം നിലവില്വന്നത്. വിനോദസഞ്ചാരികളുടെയും വാഹനങ്ങളുടെയും കൃത്യമായ കണക്കെടുക്കുന്നതിനാണ് ഇ-പാസ് ഏര്പ്പെടുത്തിയതെന്നായിരുന്നു സര്ക്കാരിന്റെ വിശദീകരണം.
ഇതുമൂലം ഊട്ടിയിലേക്കുള്ള സഞ്ചാരികളുടെ വരവ് കുത്തനെ കുറഞ്ഞു. വിനോദസഞ്ചാരമേഖലയെ ആശ്രയിച്ച് കഴിയുന്നവര് പ്രതിസന്ധിയിലായി. ഇ-പാസ് നിര്ത്തലാക്കണമെന്നാവശ്യപ്പെട്ട് നീലഗിരിയിലെ ചെറുകിട വ്യാപാരികള് സമരത്തിലാണ്.
നിലവില് ഊട്ടിയില് വിനോദസഞ്ചാരത്തിന്റെ രണ്ടാം സീസണ് തുടങ്ങിയിരിക്കുകയാണ്. നവംബര് പകുതിവരെയാണ് ഈ സീസണ്.
ഊട്ടി സസ്യോദ്യാനത്തില് പുഷ്പപ്രദര്ശനത്തിനുള്ള ഒരുക്കങ്ങള് പൂര്ത്തിയായിരിക്കുകയാണ്. കാലാവധി തീരുന്നതോടെ ഇ-പാസ് പിന്വലിക്കുമെന്ന പ്രതീക്ഷയിലായിരുന്നു ടൂറിസം പ്രവര്ത്തകര്. ഇ-പാസ് നീട്ടിയതോടെ സഞ്ചാരികളും നിരാശയിലാണ്.
Content Highlights: kodaikanal ooty epass requirement extended
Published: 03 Oct 2024, 08:15 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented