ബെംഗളൂരു: വാട്സാപ്പ്, ഫെയ്സ്ബുക്ക് തുടങ്ങി 'മെറ്റ'യുടെ സാമൂഹികമാധ്യമ പ്ലാറ്റ്ഫോമുകളിലെ കന്നഡ-ഇംഗ്ലീഷ് ഓട്ടോ ട്രാന്‍സലേഷന്‍ അബദ്ധപഞ്ചാംഗമെന്ന് കര്‍ണാടക സര്‍ക്കാര്‍. വായനക്കാരെ തെറ്റിദ്ധരിപ്പിക്കുകയും വഴിതെറ്റിക്കുകയും ചെയ്യുന്നതിനാല്‍ കന്നഡ ഭാഷാവിദഗ്ധരുടെ സേവനം ഉപയോഗപ്പെടുത്തി പ്രശ്‌നം വേഗത്തില്‍ പരിഹരിക്കണമെന്ന് മുഖ്യമന്ത്രി സിദ്ധരാമയ്യ ആവശ്യപ്പെട്ടു.
മൊഴിമാറ്റത്തില്‍ കൃത്യതയുറപ്പാക്കുന്നതുവരെ ഓട്ടോ ട്രാന്‍സലേഷന്‍ നിര്‍ത്തിവെക്കണമെന്നും മുഖ്യമന്ത്രിയുടെ മാധ്യമ ഉപദേശകന്‍ മെറ്റ അധികൃതര്‍ക്ക് അയച്ച ഇ-മെയിലില്‍ ആവശ്യപ്പെട്ടു. തങ്ങള്‍ കാണുന്നത് തര്‍ജ്ജമചെയ്യപ്പെട്ടതാണെന്ന് പലപ്പോഴും ജനങ്ങള്‍ക്ക് മനസ്സിലാകണമെന്നില്ല. ഔദ്യോഗികസന്ദേശം തെറ്റായി ജനങ്ങളിലെത്തുന്നത് വളരെ അപകടകരമാണെന്നും കത്തില്‍ വ്യക്തമാക്കി.
Content Highlights: Karnataka CM demands Meta fix Kannada-English auto-translation errors on WhatsApp, Facebook
Published: 18 Jul 2025, 08:33 am IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented