.jpg?$p=2922c1a&f=16x10&w=852&q=0.8)
Photo: twitter.com/BryceMiranda11
കൊച്ചി: ചര്‍ച്ചില്‍ ബ്രദേഴ്‌സ് താരമായ ബ്രൈസ് മിറാന്‍ഡയെ സ്വന്തമാക്കി കേരള ബ്ലാസ്റ്റേഴ്‌സ്. 2026 വരെയാണ് മിറാന്‍ഡയുമായുള്ള മഞ്ഞപ്പടയുടെ കരാര്‍. 22 കാരനായ മിറാന്‍ഡ മുംബൈ ദാദര്‍ സ്വദേശിയാണ്.
ചര്‍ച്ചില്‍ ബ്രദേഴ്‌സിനുവേണ്ടി നടത്തിയ തകര്‍പ്പന്‍ പ്രകടനത്തിന്റെ ബലത്തിലാണ് മിറാന്‍ഡ ബ്ലാസ്‌റ്റേഴ്‌സിലെത്തുന്നത്. ചര്‍ച്ചില്‍ ബ്രദേഴ്‌സിനായി 33 മത്സരങ്ങളില്‍ പന്തുതട്ടിയ മിറാന്‍ഡ രണ്ട് ഗോള്‍ നേടുകയും നാല് അസിസ്റ്റ് നല്‍കുകയും ചെയ്തു. ക്രോസുകള്‍ നല്‍കുന്നതില്‍ മിടുക്കനാണ് ഈ യുവതാരം. 2021-2022 ഐ ലീഗില്‍ 16 മത്സരങ്ങളില്‍ നിന്ന് 55 ക്രോസുകളാണ് താരം നല്‍കിയത്.
നിലവില്‍ അണ്ടര്‍ 23 ഇന്ത്യന്‍ ടീമിലംഗമാണ് മിറാന്‍ഡ. മുംബൈ എഫ്.സി. അക്കാദമിയില്‍ പന്തുതട്ടി വളര്‍ന്ന മിറാന്‍ഡ 18 വയസ്സ് വരെ ക്ലബ്ബില്‍ തന്നെ തുടര്‍ന്നു. പിന്നീട് യൂണിയന്‍ ബാങ്കിനായി കളിച്ച താരം 2018-ല്‍ ഗോവ യൂത്ത് ടീമിലിടം നേടി.
2019-ല്‍ ഇന്‍കം ടാക്‌സ് എഫ്.സിയ്ക്ക് വേണ്ടി ശ്രദ്ധേയമായ പ്രകടനം നടത്തിയ മിറാന്‍ഡയെ ചര്‍ച്ചില്‍ ബ്രദേഴ്‌സ് സ്വന്തമാക്കുകയായിരുന്നു. ചില പ്രധാന താരങ്ങള്‍ ബ്ലാസ്റ്റേഴ്‌സ് വിട്ടതോടെയാണ് മിറാന്‍ഡയ്ക്കുള്ള വഴി തെളിഞ്ഞത്. ഇടതുവിങ്ങിലൂടെ ആക്രമിച്ച് കയറാനുള്ള മിടുക്കാണ് താരത്തിന്റെ പ്ലസ് പോയന്റ്.
Content Highlights: kerala blasters, bryce miranda, kerala blasters transfer policy, indian super league, manjappada
കൂടുതല്‍ കായിക വാര്‍ത്തകള്‍ക്കും ഫീച്ചറുകള്‍ക്കുമായി വാട്ട്‌സ്ആപ്പ് ഗ്രൂപ്പില്‍ ജോയിന്‍ ചെയ്യൂ... https://mbi.page.link/1pKR
Also Watch
RELATED STORIES
.jpg?$p=8896326&f=1x1&w=100&q=0.8)
.jpg?$p=e1fda36&f=1x1&w=100&q=0.8)
.jpg?$p=70c09dd&f=1x1&w=100&q=0.8)
IN CASE YOU MISSED IT
.jpg?$p=8896326&q=0.8&f=16x11&w=104)
.jpg?$p=e1fda36&q=0.8&f=16x11&w=104)
.jpg?$p=70c09dd&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..