ന്യൂഡൽഹി: അർജുന പുരസ്കാര തിളക്കത്തിന് പിന്നാലെ ലോക ബാഡ്മിന്റൺ ചാമ്പ്യൻഷിപ്പിന്റെ പ്രീ ക്വാർട്ടറിൽ കടന്ന് ട്രീസാ ജോളി-ഗായത്രി ഗോപീചന്ദ് സഖ്യം. വനിതാ ഡബിൾസിന്റെ രണ്ടാം റൗണ്ടിൽ 16-ാം സീഡായ അമേരിക്കയുടെ ലൗറെൻ ലാം-അലിസൺ ക്യുൻഹ് സഖ്യത്തെയാണ് ഇന്ത്യൻ ജോഡി അട്ടിമറിച്ചത്. നേരിട്ടുള്ള ഗെയിമുകൾക്കായിരുന്നു വിജയം.
ആദ്യ ഗെയിം 21-15ന് സ്വന്തമാക്കിയ ഇന്ത്യൻ സഖ്യം രണ്ടാം ഗെയിം 21-12-നും നേടി. 17-ാം റാങ്കുകാരായ അമേരിക്കൻ താരങ്ങൾക്ക് ഒരു ഘട്ടത്തിൽപോലും 39-ാം റാങ്കുകാരായ ഇന്ത്യൻ ജോഡിയെ പരീക്ഷിക്കാനായില്ല.
അതേസമയം പുരുഷ സിംഗിൾസിൽ ലക്ഷ്യാ സെന്നും വനിതാ സിംഗിൾസിൽ ഉന്നതി ഹൂഡയും രണ്ടാം റൗണ്ടിലെത്തി. ടെറ്റ് തുസാറിനെയാണ് ഉന്നതി തോൽപ്പിച്ചത്. സ്കോർ: 22-20, 21-16. ഓസ്ട്രിയയുടെ കോളിൻസ് ഫിലിമോനെയാണ് ലക്ഷ്യാ സെൻ തോൽപ്പിച്ചത്. ആദ്യ ഗെയിം നഷ്ടപ്പെട്ട ലക്ഷ്യം പിന്നീടുള്ള രണ്ട് ഗെയിമുകളിലും എതിരാളിയെ നിലംപരിശാക്കി. സ്കോർ: 16-21, 21-8, 21-4. അതേസമയം മിക്സഡ് ഡബിൾസിൽ ഇന്ത്യയുടെ രണ്ട് സഖ്യവും ആദ്യ റൗണ്ടിൽ പുറത്തായി.
Content Highlights: Treesa Jolly and Gayatri Gopichand advanced to the BWF World Championships pre-quarters., Defeated the 16th-seeded US pair Lauren Lam and Allison Lee in straight games., Lakshya Sen and Unnati Hooda also advanced to the next round in their respective singles categories.
Published: 18 Aug 2026, 07:41 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented