മഡ്ഗാവ്: ഏറ്റവും മികച്ച പിറന്നാള്‍ സമ്മാനത്തിന് കാത്തിരിക്കുകയാണ് കേരള ബ്ലാസ്റ്റേഴ്സ് വിങ്ങര്‍ കെ.പി. രാഹുല്‍. സ്വന്തം ടീമിന്റെ ഫൈനല്‍ ബര്‍ത്താണ് യുവതാരം ആഗ്രഹിക്കുന്ന സമ്മാനം. ബ്ലാസ്റ്റേഴ്സ് ഫൈനലില്‍ എത്തിയാല്‍ മലയാളിതാരത്തിന്റെ 22-ാം ജന്മദിനാഘോഷം തകര്‍ക്കും.
മാര്‍ച്ച് 16-ന് ആണ് രാഹുലിന്റെ പിറന്നാള്‍. സീസണില്‍ പരിക്കുമൂലം ഭൂരിഭാഗം കളികളും നഷ്ടപ്പെട്ട തൃശ്ശൂര്‍ സ്വദേശി മടങ്ങിവരവിന്റെ പാതയിലാണ്. പിറന്നാള്‍ ആഘോഷം ഗംഭീരമാകണമെങ്കില്‍ ടീം ഫൈനലില്‍ കടക്കണമെന്ന് രാഹുലിന്റെ പിതാവ് പ്രവീണ്‍ പറഞ്ഞു.
രാഹുലിനൊപ്പം നായകന്‍ അഡ്രിയന്‍ ലൂണയ്ക്കും പ്രതിരോധനിരതാരം ബിജോയ് വര്‍ഗീസിനും ഫൈനല്‍ ബര്‍ത്ത് പിറന്നാള്‍ സമ്മാനമായി മാറും. തിങ്കളാഴ്ചയായിരുന്നു ബിജോയിയുടെ 21-ാം പിറന്നാള്‍ദിനം. 12-നാണ് ലൂണയ്ക്ക് 30 വയസ്സ് തികഞ്ഞത്.
Content Highlights: kp rahul birthday isl kerala blasters vs jamshedpur fc
Published: 15 Mar 2022, 02:28 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented