ദുബായ്: ഇറ്റാലിയൻ ഫുട്ബോൾ ക്ലബായ എ സി മിലാനിലേക്ക് രണ്ട് മാസത്തെ പരിശീലനത്തിനായി മലയാളി കൗമാര ഫുട്ബോൾ താരം ഐഡാൻ ഹാനി നദീർ യാത്ര തിരിച്ചു. യുഎഇയിലെ ഫുട്ബോൾ പ്രേമികളും സംഘാടകരും ദുബായിൽ ഐഡാന് ഊഷ്മള യാത്രയയപ്പ് നൽകി.
'കിക്കിൻ ഓഫ് ടു മിലാൻ' എന്ന പേരിൽ ദേര അബു ഹെയ്ൽ സ്പോർട്സ് ബേ അമാനയിൽ നടന്ന പരിപാടി മാധ്യമപ്രവർത്തകൻ ടി ജമാലുദ്ദിൻ ഉദ്ഘാടനം ചെയ്തു. ഷാഫി അൽ മുർഷിദി അധ്യക്ഷനായി. ബഷീർ തിക്കൊടി മുഖ്യാതിഥിയായിരുന്നു. ഐഡാൻ ഹാനി നദീർ, ഐഡാന്റെ പരിശീലകൻ ബിദേമി മാത്യു ഒളൻലോകുൻ എന്നിവരുമായി സംവാദവും നടന്നു. മുനീർ അൽ വഫ മോഡറേറ്ററായി. റിയാസ് കിൽട്ടൻ പരിശീലകൻ ബിദേമി മാത്യു ഒളൻലോകുനെ പൊന്നാട അണിയിച്ച് ആദരിച്ചു. പരിശീലകന്റെ ഭാര്യ റെജിന ഖയത്തോവ, ഐഡാന് എസി മിലാന്റെ ജേഴ്സി സമ്മാനിച്ചു. ഐഡാന്റെ മാതാപിതാക്കളായ നദീർ ചോലാൻ, ക്ഷമ എന്നിവരെ ചടങ്ങിൽ ആദരിച്ചു. ഐഡാന് സംഘാടക സമിതിയുടെ ഉപഹാരം സത്താർ മാമ്പ്ര, റിയാസ് കിൽട്ടൻ എന്നിവർ ചേർന്ന് നൽകി.
റോയ് റാഫേൽ,ബഷീർ ബെല്ലോ,അമൽ, ബഷീർ വാളൂർ, റഷീദ് ബ്രാനോ ,നബീൽ ഇസ്മായേൽ,ബിജു അന്നമനട,ബഷീർ ഖാദർ, ഫയാസ് തുടങ്ങിയവർ ആശംസകൾ നേർന്നു. സത്താർ മാമ്പ്ര സ്വാഗതവും ഹക്കിം വാഴക്കാല നന്ദിയും പറഞ്ഞു.
Content Highlights: Gulf Pravasi Football lovers send off function, aydan nadeer Footballer, Young Talent
Published: 01 May 2025, 09:39 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented