തിരുവനന്തപുരം: നിയമന അഴിമതി ആരോപിച്ച് തിരുവനന്തപുരം കോർപ്പറേഷനിലേക്ക് യുവമോർച്ച പ്രവർത്തകർ നടത്തിയ മാർച്ചിൽ സംഘർഷം. പോലീസുകാരും പ്രവർത്തകരും തമ്മിൽ ഉന്തും തള്ളുമുണ്ടായി. സമരക്കാർക്ക് നേരെ പല തവണ പോലീസ് ജലപീരങ്കി പ്രയോ​ഗിച്ചു. ബാരിക്കേഡ് ചാടിക്കടക്കാനുളള പ്രവർത്തകരുടെ ശ്രമം സംഘർഷത്തിന് ആക്കംകൂട്ടി.

To advertise here,

കോർപ്പറേഷൻ ആരോ​ഗ്യവിഭാ​ഗത്തിൽ സാനിറ്റേഷൻ വർക്കർമാരായി ഇഷ്ടക്കാരെ തിരുകിക്കയറ്റുന്നുവെന്ന് ആരോപണം ഉയർന്നിരുന്നു. കഴിഞ്ഞ ദിവസം സാനിറ്റേഷൻ വർക്കർമാരുടെ നിയമനത്തെചൊല്ലി കോർപ്പറേഷൻ കൗൺസിലിൽ കൗൺസിലർമാർ തമ്മിൽ ഏറ്റുമുട്ടലും കെെയാങ്കളിയുമുണ്ടായിരുന്നു.