കൊയിലാണ്ടി: പാലക്കാട് ഡിവിഷനിലെ വിവിധ ഭാഗങ്ങളിൽ ട്രാക്ക് പരിപാലനപ്രവൃത്തികൾ നടക്കുന്നതിനാൽ തീവണ്ടിസർവീസുകളിൽ മാറ്റംവരുത്തിയതായി റെയിൽവേ അറിയിച്ചു.
ചില തീവണ്ടികളുടെ യാത്രയിൽ നിയന്ത്രണമേർപ്പെടുത്തി. യാത്രാനിയന്ത്രണമേർപ്പെടുത്തിയ വണ്ടികൾ: 16307 നമ്പർ ആലപ്പുഴ-കണ്ണൂർ എക്സ്പ്രസ് ജനുവരി ഏഴ്, 14, 21, 28, ഫെബ്രുവരി നാല് തീയതികളിൽ ആലപ്പുഴയിൽനിന്ന് ആരംഭിക്കുന്ന ഈ ട്രെയിൻ കോഴിക്കോടുവരെ മാത്രമേ സർവീസ് നടത്തുകയുള്ളൂ. കോഴിക്കോട്-കണ്ണൂർ ഭാഗത്ത് ട്രെയിൻ സർവീസ് ഭാഗികമായി റദ്ദാക്കും.
12082 നമ്പർ തിരുവനന്തപുരം സെൻട്രൽ-കണ്ണൂർ ജനശതാബ്ദി സൂപ്പർഫാസ്റ്റ് എക്സ്പ്രസ് ജനുവരി എഴ്, 14, 21, 28, ഫെബ്രുവരി നാല് തീയതികളിൽ തിരുവനന്തപുരം സെൻട്രലിൽനിന്ന് ആരംഭിക്കുന്ന ഈ ട്രെയിൻ കോഴിക്കോടുവരെ മാത്രമേ ഓടുകയുള്ളൂ. കോഴിക്കോട്-കണ്ണൂർ ഭാഗത്ത് സർവീസ് ഭാഗികമായി റദ്ദാക്കും.
56603 നമ്പർ കോയമ്പത്തൂർ ജങ്ഷൻ-ഷൊർണൂർ ജങ്ഷൻ പാസഞ്ചർ ജനുവരി 21-ന് കോയമ്പത്തൂർ ജങ്ഷനിൽനിന്ന് ആരംഭിക്കുന്ന ഈ ട്രെയിൻ പാലക്കാട് ജങ്ഷനിൽ സർവീസ് അവസാനിപ്പിക്കും.
പാലക്കാട് ജങ്ഷൻ-ഷൊർണൂർ ജങ്ഷൻ ഭാഗത്ത് സർവീസ് ഭാഗികമായി റദ്ദാക്കും.
ചില ട്രെയിൻ സർവീസുകളുടെ ആരംഭസ്ഥലത്തിലും മാറ്റംവരുത്തി. 56607 നമ്പർ പാലക്കാട് ജങ്ഷൻ-നിലമ്പൂർ റോഡ് പാസഞ്ചർ ജനുവരി 11, 18, 26, 27 തീയതികളിൽ പാലക്കാട് ജങ്ഷനിൽനിന്ന് യാത്ര ആരംഭിക്കുന്നതിനുപകരം ലക്കിടിയിൽനിന്ന് രാവിലെ 6.32-ന് യാത്രയാരംഭിക്കും.
പാലക്കാട് ജങ്ഷൻ-ലക്കിടി ഭാഗത്ത് സർവീസ് ഭാഗികമായി റദ്ദാക്കുന്നതാണ്.
66609 നമ്പർ പാലക്കാട് ജങ്ഷൻ-എറണാകുളം ജങ്ഷൻ മെമു വണ്ടി ജനുവരി 26-ന് പാലക്കാട് ജങ്ഷനുപകരം ഒറ്റപ്പാലത്തുനിന്ന് രാവിലെ 07.57-ന് യാത്ര ആരംഭിക്കും.
പാലക്കാട് ജങ്ഷൻ-ഒറ്റപ്പാലം ഭാഗത്ത് സർവീസ് ഭാഗികമായി റദ്ദാക്കപ്പെടും.
Content Highlights: Key train services are partially cancelled or rescheduled in Palakkad Division due to maintenance work. Check affected trains and dates.
Published: 07 Jan 2026, 07:06 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented