കൊച്ചി: രാഹുല്‍ ഗാന്ധി എം.പി.യുടെ വയനാട്ടിലെ ഓഫീസിലുണ്ടായിരുന്ന മഹാത്മാ ഗാന്ധിയുടെ ചിത്രം താഴെയിട്ട് നശിപ്പിച്ചുവെന്ന കേസ് സ്റ്റേ ചെയ്ത് ഹൈക്കോടതി. ഓഫീസിലെ നാല് ജീവനക്കാര്‍ക്കെതിരായ കേസാണ് സ്റ്റേ ചെയ്തത്. കെ.ആര്‍. രതീഷ്‌കുമാര്‍, കെ.എ. മുജീബ്, രാഹുല്‍ രവീന്ദ്രന്‍, വി. നൗഷാദ് എന്നിവര്‍ക്കെതിരെയാണ് കല്പറ്റ പോലീസ് കേസെടുത്തിരുന്നത്.
കേസിന്റെ അന്വേഷണം തടയണമെന്നാവശ്യപ്പെട്ട് ഓഫീസിലെ ജീവനക്കാര്‍ ഹൈക്കോടതിയെ സമീപിച്ചിരുന്നു. കേസ് കെട്ടിച്ചമച്ചതാണെന്നും തങ്ങള്‍ക്കെതിരേ കൃത്യമായ ഒരു മൊഴിയുമില്ലെന്നും ഇവര്‍ കോടതിയെ അറിയിച്ചു. അതിനാല്‍ കേസ് റദ്ദാക്കണമെന്നായിരുന്നു ജീവനക്കാരുടെ ആവശ്യം. ഇതില്‍ വിശദമായ വാദം കേള്‍ക്കാന്‍വേണ്ടിയാണ് ഹൈക്കോടതി എഫ്.ഐ.ആര്‍. സ്റ്റേ ചെയ്തത്.
എസ്.എഫ്.ഐ. പ്രവര്‍ത്തകര്‍ കല്പറ്റയിലെ രാഹുല്‍ ഗാന്ധിയുടെ എം.പി. ഓഫീസിലേക്ക് നടത്തിയ മാര്‍ച്ച് അക്രമാസക്തമായതിനു പിന്നാലെ എം.പി. ഓഫീസിലെ മഹാത്മാ ഗാന്ധിയുടെ ചിത്രം താഴെവീണ് പൊട്ടിയിരുന്നു. ഇത് എസ്.എഫ്.ഐ. പ്രവര്‍ത്തകര്‍ പൊട്ടിച്ചതാണെന്നായിരുന്നു കോണ്‍ഗ്രസ് ആരോപിച്ചിരുന്നത്. എന്നാല്‍ പിന്നീട് ദൃശ്യങ്ങള്‍ ചൂണ്ടിക്കാണിച്ചുകൊണ്ട്, എം.പി. ഓഫീസിലെ ജീവനക്കാര്‍ തന്നെയാണ് ചിത്രം താഴെയിട്ടതെന്ന പരാതി പോലീസിന് ലഭിച്ചു. തുടര്‍ന്ന് ഓഫീസ് ജീവനക്കാരെ പ്രതിചേര്‍ത്ത് കല്പറ്റ പോലീസ് എഫ്.ഐ.ആര്‍. രജിസ്റ്റര്‍ ചെയ്യുകയായിരുന്നു.
Content Highlights: rahul gandhi, wayanad mp office, mahatma gandhi wall picture
Published: 13 Jul 2023, 06:17 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented