പിറവത്ത് റെക്കോഡ് ഭൂരിപക്ഷത്തോടെയാണ് അനൂപ് ജേക്കബ് വിജയിച്ചത്. പിതാവ് ടി.എം. ജേക്കബ്, ഉമ്മൻചാണ്ടി മന്ത്രിസഭയിൽ മന്ത്രിയായിരിക്കേ അന്തരിച്ചതിനെത്തുടർന്ന് 2012-ൽ പിറവത്ത് നടന്ന ഉപതിരഞ്ഞെടുപ്പിലൂടെയാണ് അനൂപിന്റെ നിയമസഭാപ്രവേശം. പിതാവ് കൈകാര്യം ചെയ്തിരുന്ന ഭക്ഷ്യ സിവിൽ സപ്ലൈസ് വകുപ്പിന്റെതന്നെ മന്ത്രിയായി. 2016-ലും 2021-ലും അനൂപ് വിജയിച്ചു.

To advertise here,

തിരുമാറാടി വാളിയപ്പാടത്ത് താണികുന്നേൽ ടി.എം. ജേക്കബിന്റെയും ഡെയ്സി (ആനി)യുടെയും മകനാണ്. തിരുവനന്തപുരം മാർ ഇവാനിയോസ് കോളേജിൽനിന്ന് ബിരുദവും ലോ അക്കാദമിയിൽനിന്ന് നിയമ ബിരുദവും നേടി. 2001-ൽ കേരളാ കോൺഗ്രസിന്റെ വിദ്യാർഥിവിഭാഗത്തിന്റെയും യൂത്ത് ഫ്രണ്ടിന്റെയും സംസ്ഥാന പ്രസിഡന്റുമായി. ഭാര്യ അനില പിറവം ബി.പി.സി. കോളേജിൽ ഇംഗ്ലീഷ് വിഭാഗം അധ്യാപികയായിരുന്നു. വിദ്യാർഥികളായ ടി.എം. ജേക്കബ്, ലിറ അനൂപ് എന്നിവർ മക്കൾ.