
പാര്വതി തിരുവോത്ത് നായികയായെത്തുന്ന വർത്തമാനം എന്ന ചിത്രത്തിന് പ്രദര്ശനാനുമതി നിഷേധിച്ച സെന്സര് ബോര്ഡിന്റെ തീരുമാനം വലിയ വിവാദങ്ങൾക്ക് വഴിവച്ചിരുന്നു. ആര്യാടന് ഷൗക്കത്തിന്റെ തിരക്കഥയില് സിദ്ധാര്ഥ ശിവയാണ് ചിത്രം സംവിധാനം ചെയ്തത്.
ഇതിന് പിന്നാലെ അനുമതി നിഷേധിക്കാനുള്ള കാരണം വ്യക്തമാക്കി സെന്സര് ബോര്ഡ് അംഗവും ബിജെപി എസ് സി മോർച്ചാ സംസ്ഥാന വൈസ് പ്രസിഡന്റുമായ അഡ്വ. വി സന്ദീപ് കുമാര് സോഷ്യല് മീഡിയയിലൂടെ പങ്കുവച്ച കുറിപ്പും വിവാദമായി. ഇപ്പോൾ ഈ വിഷയത്തിൽ പ്രതികരണവുമായി രംഗത്തെത്തിയിരിക്കുകയാണ് ആര്യാടൻ ഷൗക്കത്ത്.
ഡെൽഹി കാമ്പസിലെ വിദ്യാർത്ഥി സമരത്തെ കുറിച്ച് പറഞ്ഞാൽ എങ്ങനെയാണ് ദേശവിരുദ്ധമാകുന്നതെന്നും തിരക്കഥാകൃത്തിൻ്റെ കുലവും ഗോത്രവും നോക്കിയാണോ സിനിമക്ക് പ്രദർശനാനുമതി നൽകുന്നതെന്നും ആര്യാടന് ഷൗക്കത്തിന്റെ കുറിപ്പിൽ ചോദിച്ചു.
ആര്യാടൻ ഷൗക്കത്തിന്റെ ഫെയ്സ്ബുക്ക് പോസ്റ്റ്
ഡൽഹി കാമ്പസ്സിലെ വിദ്യാര്ത്ഥി സമരത്തെകുറിച്ച പറഞ്ഞാല്, ഇന്ത്യയിലെ ജനാധിപത്യ പോരാട്ടത്തെകുറിച്ച് പറഞ്ഞാല് എങ്ങിനെയാണ് അത് ദേശവിരുദ്ധമാവുക. സെന്സര് ബോര്ഡ് അംഗം ബി.ജെ.പി നേതാവ് അഡ്വ. വി. സന്ദീപ്കുമാറിന്റെ ട്വീറ്റില് എല്ലാമുണ്ട്. ജെഎന്.യു സമരത്തിലെ ദലിത്, മുസ്ലീം പീഢനമായിരുന്നു വിഷയമെന്നും താന് സിനിമയെ എതിര്ത്തതിന് കാരണം സിനിമയുടെ തിരക്കഥാകൃത്തും നിര്മ്മാതാവും ആര്യാടന് ഷൗക്കത്തായിരുന്നു എന്നുമാണ് അദ്ദേഹം പരസ്യമായി പ്രഖ്യാപിക്കുന്നത്. ജനാധിപത്യ, മതേതര, സോഷ്യലിസ്റ്റ് റിപ്പബ്ലിക്കായ ഇന്ത്യയിലാണ് നമ്മള് ഇപ്പോഴും ജീവിക്കുന്നത്. ഒരു സിനിമക്ക് പ്രദർശനാനുമതി നൽകുന്നത് തിരക്കഥാകൃത്തിന്റെ കുലവും ഗോത്രവും നോക്കിയാണോ ? സാംസ്ക്കാരിക രംഗത്തെ അപ്രഖ്യാപിത അടിയന്തിരാവസ്ഥയെ അംഗീകരിക്കാനാവില്ല.
ചിത്രം താന് കണ്ടെന്നും ജെഎന്യു സമരത്തിലെ ദളിത്, മുസ്ലിം പീഡനമാണ് വിഷയമെന്നും രാജ്യവിരുദ്ധമായിരുന്നു സിനിമയുടെ പ്രമേയമെന്നും ചിത്രത്തിന്റെ തിരക്കഥയും നിര്മ്മാണവും ആര്യാടന് ഷൗക്കത്ത് ആയതുകൊണ്ടാണ് താന് എതിര്ത്തതെന്നുമാണ് അഡ്വ. വി സന്ദീപ് കുമാര് ട്വീറ്റ് ചെയ്തത്. ചർച്ചയായതോടെ ഈ ട്വീറ്റ് സന്ദീപ് പിൻവലിച്ചിരുന്നു.
Content Highlights : Varthamanam movie censor issue Parvathy Aryadan Shoukkath JNU Protest
Published: 28 Dec 2020, 10:54 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented