എന്തൊരു അഴകാണ്; വിവാഹ ചിത്രങ്ങള്‍ പങ്കുവെച്ച് ശോഭിതയും നാഗചൈതന്യയും

വിവാഹചിത്രങ്ങള്‍ പങ്കുവെച്ച് ശോഭിത ധൂലിപാലയും നാഗചൈതന്യയും. ഡിസംബര്‍ നാലാം തീയതിയായിരുന്നു ഇവരുടെ വിവാഹം. ഹൈദരാബാദിലെ അന്നപൂര്‍ണ സ്റ്റുഡിയോയായിരുന്നു വേദി.

നാഗ ചൈതന്യ താലിചാര്‍ത്തുന്നതിന്റെയും ശോഭിതയുടെ കാല്‍വിരലില്‍ മിഞ്ചി അണിയിക്കുന്നതിന്റെയുമൊക്കെ ചിത്രങ്ങള്‍ ഇപ്പോള്‍ പങ്കുവെച്ചവയുടെ കൂട്ടത്തിലുണ്ട്.

പ്രിയതാരങ്ങളുടെ വിവാഹത്തിന്റെ കൂടുതല്‍ ചിത്രങ്ങള്‍ എത്തിയതോടെ ആശംസകളുമായി ആരാധകരുമെത്തി. കമന്റ് ബോക്‌സിലേറെയും ആശംസകളാണ്. അതേസമയം, ഇത്രയും മനോഹരിയായൊരു വധുവിനെ കണ്ടിട്ടില്ലെന്നാണ് മറ്റു ചിലര്‍ പറയുന്നത്.

നാഗചൈതന്യയുടെ അച്ഛന്‍ നാഗാര്‍ജുനയായിരുന്നു വിവാഹം കഴിഞ്ഞതിന് പിന്നാലെ ആദ്യചിത്രങ്ങള്‍ പങ്കുവെച്ചത്.