മലയാളത്തിലെ ക്ലാസിക് ചിത്രം മണിച്ചിത്രത്താഴിന്റെ റീമേക്ക് ആയി പ്രിയദർശൻ ബോളിവുഡിൽ അവതരിപ്പിച്ച ചിത്രമായിരുന്നു 2007-ൽ പുറത്തിറങ്ങിയ ഭൂൽ ഭുലയ്യ. 2022-ൽ അനീസ് ബസ്മിയുടെ സംവിധാനത്തിൽ ഇതിന്റെ രണ്ടാംഭാഗവും ഇറങ്ങിയിരുന്നു. ഭൂൽ ഭുലയ്യയുടെ മൂന്നാം ഭാഗം ഉടൻ തിയേറ്ററുകളിലെത്തുകയാണ്. ചിത്രത്തിന്റെ ടീസർ പുറത്തിറങ്ങി.
മലയാളത്തിൽ നാഗവല്ലിയെ അനുസ്മരിപ്പിക്കുന്ന കഥാപാത്രമായിരുന്നു ചിത്രത്തിന്റെ റീമേക്കിൽ വിദ്യാ ബാലൻ അവതരിപ്പിച്ച മഞ്ജുലിക. ഭൂൽ ഭൂലയ്യ 3-ൽ ഈ കഥാപാത്രത്തെ വീണ്ടും അവതരിപ്പിക്കുകയാണ് സംവിധായകൻ അനീസ് ബസ്മി. വിദ്യാ ബാലൻ അവതരിപ്പിക്കുന്ന ഈ കഥാപാത്രത്തിന്റെ രംഗങ്ങളാണ് പുറത്തുവന്ന ടീസറിന്റെ ഹൈലൈറ്റ്. കാർത്തിക് ആര്യനും തൃപ്തി ദിമ്റിയുമാണ് മറ്റുപ്രധാനവേഷങ്ങളിൽ.
ഭൂൽ ഭുലയ്യ 2-ൽ അവതരിപ്പിച്ച റൂഹ് ബാബ എന്ന കഥാപാത്രമായാണ് കാർത്തിക് ആര്യനെത്തുന്നത്. മാധുരി ദീക്ഷിത് ഒരു സുപ്രധാന വേഷത്തിലുണ്ടാവുമെന്ന് റിപ്പോർട്ടുകൾ സൂചിപ്പിക്കുന്നു. രജ്പാൽ യാദവ്, വിജയ് റാസ്, അശ്വിനി കലേസ്കർ, രാജേഷ് ശർമ, സഞ്ജയ് മിശ്ര എന്നിവരാണ് താരനിരയിലെ മറ്റുള്ളവർ. ദീപാവലിയോടനുബന്ധിച്ച് ഈ വരുന്ന നവംബർ ഒന്നിന് ചിത്രം തിയേറ്ററുകളിലെത്തും.
Content Highlights: Bhool Bhulaiyaa 3 teaser is out, revealing Vidya Balan`s return as the iconic Manjulika
Published: 27 Sept 2024, 09:46 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented