വൈപ്പിൻ കരക്കടുത്തു എന്ന് തുടങ്ങുന്ന മനോഹര ഗാനവുമായി വീണ്ടും പ്രേക്ഷകർക്ക് പ്രതീക്ഷ നൽകുകയാണ് വിശുദ്ധ മെജോ. ചിത്രം ഈ വരുന്ന സെപ്റ്റംബർ 16 വെള്ളിയാഴ്ച തീയറ്ററുകളിൽ എത്തുകയാണ്. തണ്ണീർ മത്തൻ ദിനങ്ങൾ എന്ന സർപ്രൈസ് സൂപ്പർ ഹിറ്റ്‌ സിനിമക്ക് ശേഷം മറ്റൊരു പ്രമേയവുമായി ജോമോൻ ടി ജോൺ അവതരിപ്പിക്കുന്ന ചിത്രം ആണ് വിശുദ്ധ മെജോ.

To advertise here,

തണ്ണീർ മത്തൻ ദിനങ്ങളിലെ പോലെ വളരെ ലളിതവും ഹൃദയ സ്പർശവുമായ വരികളും സംഗീതവുമാണ് ചിത്രത്തിൽ ഉള്ളത്. ജസ്റ്റിൻ വർഗീസ് സുഹൈൽ കോയ കൂട്ടുകെട്ടിൽ പിറന്ന ഈ ഗാനത്തിന് ശബ്ദം നൽകിയിരിക്കുന്നത് ഉന്മേഷ് കൃഷ്ണ ആണ്.

മാത്യു തോമസ്, ഡിനോയ് പൗലോസ്, ലിജോ മോൾ തുടങ്ങിയ താരങ്ങൾക്കൊപ്പം മലയാളത്തിലെ പ്രമുഖ അഭിനേതാക്കളും അണിനിരക്കുന്ന ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് ജോമോൻ ടി ജോൺ ആണ്. എഡിറ്റിംഗ് ഷമീർ മുഹമ്മദ്‌. 

അല്ലു അർജുൻ ഫാൻ ആയ ആംബ്രോസ് ആയി മാത്യു തോമസ് എത്തുമ്പോൾ ടൈറ്റിൽ കഥാപാത്രമായ അന്തർമുഖനായ മെജോയെ അവതരിപ്പിക്കുന്നത് ഡിനോയ് പൗലോസ് ആണ്. ജയ് ഭീം എന്ന ചിത്രത്തിന് ശേഷം ലിജോ മോൾ അവതരിപ്പിക്കുന്ന ജീന. ഇവർക്കിടയിലെ പ്രണയവും സൗഹൃദവും മനോഹരമായി അവതരിപ്പിക്കുകയാണ് കിരൺ ആന്റണി എന്ന നവാഗത സംവിധായകൻ.

പ്ലാൻ ജെ സിനിമാസ്, സി എൻ സി സിനിമാസ് എന്നിവരുടെ ബാനറിൽ വിനോദ് ഷൊർണൂർ ജോമോൻ ടി ജോൺ ഷമീർ മുഹമ്മദ്‌ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്