ഏപ്രിൽ മാസം പാതിയതായി
എത്തീ മേടം, വിഷു വന്നു
കൊന്ന മരത്തിൽ പൊന്നു തിളങ്ങി
മണ്ണിൽ കണിവെള്ളരിയുണ്ടായ്
വീട്ടിൽ അച്ഛൻ വാങ്ങിയുടുപ്പുക-
ളേട്ടൻ വാങ്ങീ മത്താപ്പും
രാവിൽ പടപട പൊട്ടീ ഗുണ്ടുകൾ
രാവും പകലായ് പൂത്തിരിയും
ഏറെ നേരം പുലരാനിനിയും
ഏട്ടൻ തട്ടിയുണർത്തുന്നു
കണ്ണുകൾ പൊത്തിക്കൊണ്ടോയ്, പിന്നെ
കണികാണിക്കുന്നയ്യയ്യാ!
മുരളിയുമൂതീട്ടുണ്ടൊരു കണ്ണൻ
ഉരുളിയിൽ പൊന്നിൻ വെള്ളരിയും
മാടിവിളിച്ചിട്ടച്ഛൻ തന്നു
കോടിയുടുപ്പും പൊൻപണവും

To advertise here,