മുംബൈ: മഹാരാഷ്ട്രയില്‍ തങ്ങളുടെ പ്രധാന സീറ്റായ ദിന്‍ഡോരിയില്‍ മത്സരിക്കുന്നതില്‍നിന്ന് സി.പി.എം. പിന്‍വാങ്ങി. വോട്ട് ഭിന്നിപ്പ് ഒഴിവാക്കി ഇന്ത്യ സഖ്യത്തിന് ശക്തി പകരുക എന്ന പാര്‍ട്ടി തീരുമാനപ്രകാരമാണ് പിന്‍മാറ്റം.
ഇതേത്തുടര്‍ന്ന് ഇവിടത്തെ സി.പി.എം. സ്ഥാനാര്‍ഥിയായ ജീവ ഗാവിത് തിങ്കളാഴ്ച പത്രിക പിന്‍വലിച്ചു. ''ബി.ജെ.പി.യെ തോല്‍പ്പിക്കുക എന്നതാണ് പാര്‍ട്ടിയുടെ മുഖ്യലക്ഷ്യം. ഈ സീറ്റ് സി.പി.എമ്മിന് വിട്ടുതരണമെന്ന് പാര്‍ട്ടി സെക്രട്ടറി സീതാറാം യെച്ചൂരി വഴി ഇന്ത്യസഖ്യത്തെ അറിയിച്ചിരുന്നു. എന്നാല്‍, അതു നടന്നില്ല. സീറ്റ് എന്‍.സി.പി.ക്ക് നല്‍കിയപ്പോള്‍ ആ പാര്‍ട്ടിയുടെ നേതാക്കളുമായി പല തവണ ചര്‍ച്ച നടത്തി. അവര്‍ സീറ്റ് വിട്ടുതരാന്‍ തയ്യാറായില്ല.'' - ഗാവിത് മാതൃഭൂമിയോടു പറഞ്ഞു.
Content Highlights: cpm candidate withdraws nomination from dindori seat maharashtra
Published: 07 May 2024, 09:18 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented