മുംബൈ: എന്‍.ഡി.എയില്‍ ചേര്‍ന്നപ്പോള്‍ തനിക്ക് ക്ലീന്‍ചിറ്റ് കിട്ടിയിട്ടില്ലെന്നും നേരത്തേയും അഴിമതിക്കാരനായിരുന്നില്ലെന്നും മഹാരാഷ്ട്ര ഉപമുഖ്യമന്ത്രി അജിത് പവാര്‍. പ്രതിപക്ഷത്തിരുന്നപ്പോള്‍ അവര്‍ക്ക് താന്‍ അഴിമതിക്കാരനായിരുന്നില്ല. എന്നാല്‍ എന്‍.ഡി.എയില്‍ ചേര്‍ന്നപ്പോള്‍ അവര്‍ക്ക് അഴിമതിക്കാരനായി മാറിയെന്നും അജിത് പവാര്‍ ഇന്ത്യ ടുഡെ ടി.വിക്ക് അനുവദിച്ച അഭിമുഖത്തില്‍ പറഞ്ഞു. ബി.ജെ.പിയുടെ വാഷിങ് മെഷീന്‍ തന്ത്രത്തില്‍ പെട്ടാണ് അജിത് പവാര്‍ എന്‍.ഡി.എയില്‍ ചേര്‍ന്നതെന്ന പ്രതിപക്ഷ ആരോപണത്തിന് മറുപടി പറയുകയായിരുന്നു അജിത് പവാര്‍.
ജലസേചന പദ്ധതിയുമായി ബന്ധപ്പെട്ട അഴിമതിയായിരുന്നു അജിത് പവാറിനെതിരേ പ്രതിപക്ഷം ഉന്നയിച്ചത്. ഇതില്‍ നിന്നും രക്ഷനേടാനായിരുന്നു എന്‍.ഡി.എയില്‍ ചേര്‍ന്നതെന്നും ആരോപണമുണ്ടായിരുന്നു. എന്നാല്‍ താന്‍ ബി.ജെ.പിയുടെ വാഷിങ് മെഷീനില്‍ പെട്ടിട്ടില്ലെന്നും കേസില്‍ അന്വേഷണം ഇപ്പോഴും തുടരുകയാണെന്നും അജിത് പവാര്‍ പറഞ്ഞു.
തനിക്കെതിരേ ഇപ്പോള്‍ അഴിമതിയുന്നയിക്കുന്നവര്‍ക്കൊപ്പം പ്രവര്‍ത്തിച്ചയാളാണ് താന്‍. ഇ.ഡിയുടെ ഭീഷണികൊണ്ടല്ല എന്‍.സി.പി. ബി.ജെ.പിയില്‍ ചേര്‍ന്നത്. നേതാക്കള്‍ ഒറ്റക്കെട്ടായെടുത്ത തീരുമാനമായിരുന്നു. ഉദ്ധവ് സര്‍ക്കാരിന്റെ ഭാഗമായിരുന്ന സമയത്തുപോലും എം.എല്‍.എമാര്‍ക്കും എം.എല്‍.സിമാര്‍ക്കും ഈ വികാരമുണ്ടായിരുന്നുവെന്നും അജിത് പവാര്‍ പറഞ്ഞു.
Content Highlights: ajit pawar on washing machin jibe claims made as im not with opposition
Published: 20 Apr 2024, 05:47 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented