ചെറുതോണി: പാര്‍ലമെന്റ് തിരഞ്ഞെടുപ്പില്‍ ഇടുക്കി മണ്ഡലത്തിലെ എല്‍.ഡി.എഫ്. സ്ഥാനാര്‍ഥിയായി മുന്‍ എം.പി. അഡ്വ. ജോയ്‌സ് ജോര്‍ജിനെ സി.പി.എം. ജില്ലാ സെക്രട്ടേറിയറ്റ് ശുപാര്‍ശ ചെയ്തു. അദ്ദേഹത്തിന്റെ പേര് മാത്രമാണ് സംസ്ഥാന സെക്രട്ടേറിയറ്റിലേക്ക് ശുപാര്‍ശ ചെയ്തിരിക്കുന്നത്.
2014-ലെ തിരഞ്ഞെടുപ്പില്‍ സി.പി.എം. പിന്തുണയോടെ സ്വതന്ത്ര സ്ഥാനാര്‍ഥിയായി മത്സരിച്ച അദ്ദേഹം വിജയിച്ചിരുന്നു. അന്ന് കത്തിനിന്ന ഗാഡ്ഗില്‍-കസ്തൂരിരംഗന്‍ റിപ്പോര്‍ട്ടുകള്‍ക്ക് എതിരായ പ്രതിഷേധങ്ങളില്‍ ഹൈറേഞ്ച് സംരക്ഷണസമിതിക്കൊപ്പംനിന്ന ജോയ്‌സ് ജോര്‍ജ് സ്ഥാനാര്‍ഥിത്വത്തിലേക്ക് വരുകയായിരുന്നു.
എന്നാല്‍, 2019-ലെ തിരഞ്ഞെടുപ്പില്‍ വീണ്ടും മത്സരിച്ചെങ്കിലും പരാജയപ്പെട്ടു. കോണ്‍ഗ്രസിന്റെ ഡീന്‍ കുര്യാക്കോസിനായിരുന്നു വിജയം. 2014-ല്‍ അദ്ദേഹത്തിന്റെ എതിരാളിയായിരുന്നു ഡീന്‍.
എന്നാല്‍, ജോയിസ് ജോര്‍ജിനെ സ്ഥാനാര്‍ഥിയാക്കിയാല്‍ ഇത്തവണ മണ്ഡലം തിരിച്ചുപിടിക്കാന്‍ കഴിയുമെന്ന കണക്കുകൂട്ടലിലാണ് സി.പി.എം.അതേസമയം, ജോയ്‌സ് ജോര്‍ജിനെ സ്ഥാനാര്‍ഥിയായി ശുപാര്‍ശ ചെയ്തവിവരം സി.പി.എം. ഔദ്യോഗികമായി സ്ഥിരീകരിച്ചിട്ടില്ല.
Content Highlights: joice george to contest from idukki loksabha seat
Published: 19 Feb 2024, 07:59 am IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented