മലപ്പുറം: ശനിയാഴ്ച വിരമിക്കാനിരുന്ന മലപ്പുറം നഗരസഭാ എൻജിനിയറുടെ ഓഫീസിൽ മലപ്പുറം വിജിലൻസ് പരിശോധന നടത്തി. എൻജിനിയർ പി.ടി. ബാബുവിന്റെ ഓഫീസിലായിരുന്നു രഹസ്യ വിവരത്തിന്റെ അടിസ്ഥാനത്തിൽ പരിശോധന. ഓഫീസ് സമയം കഴിഞ്ഞിട്ടും ഇദ്ദേഹത്തിന്റെ മുറിയിൽ കോൺട്രാക്ടർമാർ ഉണ്ടെന്നായിരുന്നു വിവരം.

To advertise here,

വൈകീട്ട് 7.30-ന് വിജിലൻസ് സംഘം പരിശോധനയ്ക്കെത്തിയപ്പോൾ നാലു കോൺട്രാക്ടർമാർ ഓഫീസിലുണ്ടായിരുന്നു. ഇവരിൽനിന്ന് 74,000 രൂപ പിടിച്ചെടുത്തു. 13 ബില്ലുകളായിരുന്നു ഇവരുടെ പേരിൽ മാറാനുണ്ടായിരുന്നത്. മറ്റു ബില്ലുകളും ഇക്കൂട്ടത്തിലുണ്ടായിരുന്നു. സി.ഐ. ജ്യോതീന്ദ്രകുമാർ, എ.എസ്.ഐ. ശറഫുദ്ദീൻ, എസ്.സി.പി.ഒ.മാരായ ധനേഷ്, ജലീൽ എന്നിവരുടെ നേതൃത്വത്തിലായിരുന്നു പരിശോധന.