മലിനീകരണം നിയന്ത്രിക്കുന്നതിനായി ഇന്ത്യയിലെ വാഹനങ്ങളില് ബി.എസ്.6 എമിഷന് മാനദണ്ഡം നടപ്പിലാക്കിയതോടെ മാരുതി ഡീസല് എന്ജിനുകളോട് വിടപറയുകയായിരുന്നു. ഫിയറ്റ് ഉത്പാദിപ്പിച്ചിരുന്ന 1.3 ലിറ്റര് ഡീസല് എന്ജിന് നിര്ത്തിയതും, ബി.എസ്-6 ഡീസല് എന്ജിന് വികസിപ്പിക്കുന്നതിലെ ഭാരിച്ച ചെലവും കണക്കിലെടുത്തായിരുന്നു ഈ തീരുമാനം.
എന്നാല്, ഡീസല് എന്ജിനുകള് പൂര്ണമായും നിര്ത്തില്ലെന്നും ഭാവിയില് പ്രതീക്ഷിക്കാമെന്നും മാരുതി കഴിഞ്ഞ വര്ഷം ഉറപ്പുനല്കിയിരുന്നു. ഈ വാക്ക് മാരുതി പാലിച്ചെന്നാണ് പുതിയ റിപ്പോര്ട്ടുകള്. മാരുതിയുടെ വലിയ വാഹനങ്ങള്ക്ക് കരുത്തേകുന്നതിനായി 1.5 ലിറ്റര് ഡീസല് എന്ജിന്റെ നിര്മാണം പൂര്ത്തിയാക്കിയതായാണ് സൂചനകള്.
മാരുതിയില് നിന്ന് പുറത്തിറങ്ങാനൊരുങ്ങുന്ന പുതുതലമുറ ബ്രെസ, എര്ട്ടിഗ, സിയാസ് എന്നീ വാഹനങ്ങളിലായിരിക്കും ആദ്യം ഈ 1.5 ലിറ്റര് ഡീസല് എന്ജിന് നല്കുക. പുതുതലമുറ ബ്രെസ 2021 ദീപാവലിയോട് അനുബന്ധിച്ചായിരിക്കും നിരത്തുകളില് എത്തിക്കുക. ആദ്യ ഘട്ടത്തില് നിലവിലെ പെട്രോള് എന്ജിനിലെത്തുമെങ്കിലും വൈകാതെ ഡീസല് മോഡലും അവതരിപ്പിക്കും.
മാരുതിയുടെ മൂന്ന് മോഡലുകള്ക്ക് പുറമെ, മാരുതി സുസുക്കി-ടൊയോട്ട കൂട്ടുക്കെട്ടില് നിര്മാണം പുരോഗമിക്കുന്ന ക്രോസ് ഓവര് മോഡലിലും ഈ എന്ജിനായിരിക്കും പ്രവര്ത്തിക്കുക എന്നാണ് റിപ്പോര്ട്ടുകള്. ഡി 22 എന്ന കോഡ്നെയിമില് ടൊയോട്ടയുടെ ബിഡഡിയിലെ പ്ലാന്റിലാണ് ഈ വാഹനം നിര്മിക്കുകയെന്നും സൂചനയുണ്ട്.
മുമ്പ് സിയാസ്, എര്ട്ടിഗ എന്നീ മോഡലുകളില് നല്കിയിരുന്ന മാരുതിയുടെ 1.5 ലിറ്റര് ബി.എസ്-4 ഡീസല് എന്ജിന് 104 ബി.എച്ച്.പി. പവറും 225 എന്.എം.ടോര്ക്കുമാണ് ഉത്പാദിപ്പിച്ചിരുന്നത്. ബി.എസ്-6 നിലവാരത്തിലൊരുങ്ങുന്ന എന്ജിനും ഇതേ കരുത്തായിരിക്കും ഉത്പാദിപ്പിക്കുകയെന്നാണ് നിഗമനം. ഇതിനൊപ്പം മൈല്ഡ് ഹൈബ്രിഡ് സാങ്കേതികവിദ്യയും ഒരുക്കുയേക്കും.
Source: Team BHP
Content Highlights: Maruti Suzuki Developing BS6 Standard 1.5 Liter Diesel Engine
Published: 19 Jan 2021, 02:54 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented