കാഴ്ച്ചയില്ലെന്ന് പറഞ്ഞ ബാലിക മുഖം കഴുകിവന്നു; അഭിനയത്തോട് സാമ്യമുള്ള മാനസികപ്രശ്നവും ലക്ഷണങ്ങളും
ഏറെക്കാലം മുമ്പ് നടന്ന സംഭവമാണ്. ഒരുദിവസം മെഡിക്കല് കോളേജിലെ കണ്സള്ട്ടേഷന് മുറിയിലേക്ക് ബന്ധുക്കള് ഒരു യുവതിയുമായി വന്നു. നാലുപേര് ചേര്ന്ന് താങ്ങിയെടുത്താണ് സുന്ദരിയായ ആ എം.ബി.എ വിദ്യാര്ഥിനിയെ മുറിയില് കൊണ്ടുവന്നു കിടത്തിയത്. പ്രശസ്തനായ ഒരു ന്യൂറോളജിസ്റ്റിന്റെ നിര്ദ്ദേശമനുസരിച്ചായിരുന്നു അവരുടെ വരവ്. അദ്ദേഹത്തിന്റെ റഫറന്സ് ലെറ്ററും ഉണ്ടായിരുന്നു. ശാരീരിക പരിശോധനയിലോ, നടത്തിയ ക്ലിനിക്കല് ടെസ്റ്റുകളുടെ ഫലങ്ങളിലോ ഒരുവിധത്തിലുള്ള പ്രശ്നങ്ങളും കാണാതിരുന്നതിനാലാണ് ന്യൂറോളജിസ്റ്റ് യുവതിയെ മനോരോഗ വിഭാഗത്തിലേക്ക് റഫര് ചെയ്തത്.
നില്ക്കാനോ നടക്കാനോ കഴിയാത്ത അവസ്ഥയിലായിരുന്ന ആ യുവതിയെ ബാധിച്ചിരുന്നത് ഒരുതരം മനോജന്യ ശാരീരിക രോഗമായിരുന്നു. ഡിസോസിയേറ്റീവ് ഡിസോഡര് അല്ലെങ്കില് കണ്വേര്ഷന് ഡിസോഡര് Dissociative/ conversion disorder (അഭിനയത്തോട് സാമ്യമുള്ള മാനസിക പ്രശ്നങ്ങള്) എന്ന മാനസികപ്രശ്നമായിരുന്നു യുവതിയെ പിടികൂടിയിരുന്നത്. ശാരീരിക ലക്ഷണങ്ങളുമായി പ്രത്യക്ഷപ്പെടുന്ന മാനസിക രോഗങ്ങളില് ഒന്നുമാത്രമാണ് ഇത്. പണ്ട് ഹിസ്റ്റീരിയ എന്ന പേരിലാണ് ഇതറിയപ്പെട്ടിരുന്നത്. കടുത്ത മാനസിക സംഘര്ഷങ്ങള് കൊണ്ട് വീര്പ്പുമുട്ടുന്നവര് അത്തരം അവസ്ഥകളെ അനാരോഗ്യകരമായ മാനസിക പ്രക്രിയകളിലൂടെ കൈകാര്യം ചെയ്യാന് ശ്രമിക്കുമ്പോള്, അത് അവരറിയാതെ തന്നെ ശാരീരികരോഗലക്ഷണങ്ങളായി മാറ്റപ്പെടുകയാണ് ഇവിടെ സംഭവിക്കുന്നത്.
Content Highlights: Understanding Conversion Disorder