മുംബൈയിൽ നിന്ന് ചൈന്നൈയിലേയ്ക്ക് യാത്ര പുറപ്പെട്ട, ഇന്ത്യൻ എയർലൈൻസിന്റെ ഫ്ളൈറ്റ് 171 കാരവെൽ വിമാനം, പുലർച്ചെ ഒന്നരയ്ക്ക് ബോംബെ സാന്റ ക്രൂസ് വിമാനത്താവളത്തിൽ തകർന്നുവീണു. കത്തിച്ചാമ്പലായതിൽ ആ സമ്മാനപ്പൊതികളുമുണ്ടായിരുന്നു. ഒപ്പം അത് കൊണ്ടുവന്ന ആളും. നടി റാണി ചന്ദ്ര. അക്കാലത്തെ മലയാളത്തിന്റെ ഗ്ലാമർ ഗേൾ. നായികാനിരയിലേയ്ക്ക് കത്തിജ്വലിച്ചു ഉയർന്നുകൊണ്ടിരുന്ന ആൾ. തീഗോളമായി ആകാശത്ത് നിന്ന് തെറിച്ചുവീണ് ചാരമാവുമ്പോൾ ഇരുപത്തിയേഴ് വയസ്സ് മാത്രമായിരുന്നു റാണിക്ക് പ്രായം. ഈ ഒക്ടോബർ പന്ത്രണ്ടിന് അമ്പതാണ്ട് തികയുന്നു, തെന്നിന്ത്യൻ വെള്ളിത്തിരയുടെ ഹൃദയം കവർന്ന ആ താരം വീണു പൊലിഞ്ഞിട്ട്.

To advertise here,