വിവാഹ വസ്ത്രങ്ങളിൽ രാജകീയ പ്രൗഢിയോടെ ഗോവിന്ദ് പത്മസൂര്യയും ഗോപിക അനിലും

പ്രമുഖ ആങ്കറും സിനിമാതാരവുമായ ഗോവിന്ദ് പത്മസൂര്യയുടെയും സിനി-സീരിയൽ താരം ഗോപികയുടെയും വിവാഹം സോഷ്യൽ മീഡിയയിൽ ഒരു ചർച്ചാവിഷയം ആയിരുന്നു. സിനിമാ സീരിയൽ രംഗത്തെ ഒട്ടനവധി പേർ നവദമ്പതികൾക്ക് ആശംസകളുമായി എത്തിയിരുന്നു. ആർഭാടപൂർവം നടന്ന താരവിവാഹത്തിലെ പ്രധാന ആകർഷണം വധൂവരന്മാരുടെ വിവാഹ വസ്ത്രങ്ങൾ തന്നെ ആയിരുന്നു. തന്റെ അതുല്യമായ വസ്ത്രകലയിലൂടെ നിരവധി വിവാഹങ്ങൾ സ്വപ്നതുല്യമാക്കിയ ശീമാട്ടിയുടെയും ബീനാ കണ്ണൻ കോട്ട്യൂറിന്റെയും ലീഡ് ഡിസൈനറായ ബീനാ കണ്ണനാണ് ഇരുവരുടെയും വിവാഹ വസ്ത്രങ്ങൾ തയ്യാറാക്കിയത്.

വിവാഹത്തലേന്ന് പിക്‌സൽ പ്രിന്റിൽ എംബ്രോയ്ഡറി വർക്കുകൾ ചെയ്ത ഇൻഡോ വെസ്റ്റേൺ സിലൗട്ട് ഗൗൺ ആണ് ഗോപിക ധരിച്ചത്. മുത്തുകളും മിറർ വർക്കുകളും കൊണ്ട് മനോഹരമാക്കിയ പ്രീമിയം ലേയേർഡ് വൺ ഷോൾഡർ ഗൗണിൽ ഗോപിക രാജകുമാരിയെപ്പോലെ തിളങ്ങി. ഏതൊരു നവവരനെയും പോലെ തന്റെ വിവാഹവസ്ത്രവും അത്രമേൽ യുണീക്ക് ആകണമെന്ന ആഗ്രഹം ജിപി, ഡിസൈനറായ ബീനാ

.

കണ്ണനോട് വ്യക്തമാക്കിയിരുന്നു. അതുകൊണ്ട് തന്നെ പിക്‌സൽ പ്രിന്റ് ഫാബ്രിക്കിൽ നീല നിറത്തിലുള്ള ബാൻഡ്ഗാല ഡിസൈനുകളടങ്ങിയ വെൽവെറ്റിൽ തീർത്ത രാജകീയമായ ഈഗിൾ ഇൻസ്പയേഡ് സ്യൂട്ടാണ് ജിപി കല്യാണത്തലേന്ന് നടന്ന ചടങ്ങിൽ ഉപയോഗിച്ചിരിക്കുന്നത്.

വിവാഹ ദിവസം ബീന കണ്ണൻ കോട്ട്യൂറിലെ ഏറ്റവും പുതിയ കളക്ഷനിൽ നിന്നുമാണ് സറി മിക്‌സ് ഉള്ള സിഗ്നേചർ പ്രീമിയം കാഞ്ചിപുരം സാരി വധുവിനായി പ്രത്യേകം രൂപകൽപ്പന ചെയ്തത്. പൈത്താനി ബോർഡറുള്ള സാരിക്ക് പ്രീമിയം എംബ്രൊയ്ഡറിയിൽ തീർത്ത ബ്ലൗസാണ് ഗോപികയ്ക്കായി തയ്യാറാക്കിയത്. ജാമവാർ ഇൻസ്പയേഡ് ഡിസൈനുകളിൽ ബീജ്, ഗോൾഡൻ നിറങ്ങളിൽ പ്രീമിയം എംബ്രോയ്ഡറി ചെയ്ത കുർത്തയും ധോത്തിയുമാണ് വിവാഹ വേളയിൽ വരനായ ഗോവിന്ദ്  പത്മസൂര്യ അണിഞ്ഞത്. അതി മനോഹരമായി രൂപകൽപ്പന ചെയ്ത ഈ വിവാഹ വസ്ത്രങ്ങൾ ഈ വിവാഹ സീസണിലെ പ്രത്യേക ഹൈലൈറ്റ് ആയി മാറിക്കഴിഞ്ഞു. താരങ്ങളുടെ കല്യാണ ഫോട്ടോകളും റീലുകളും സമൂഹമാധ്യമങ്ങളിൽ വൈറലാണ്.