മമ്മൂട്ടി - ബി. ഉണ്ണികൃഷ്ണന് കൂട്ടുകെട്ടില് ഒരുങ്ങുന്ന ഏറ്റവും പുതിയ ചിത്രമാണ് ക്രിസ്റ്റഫര്. സിനിമയുടെ പ്രഖ്യാപനം മുതല് പ്രേക്ഷകര് ചിത്രത്തിനായുള്ള വലിയ കാത്തിരിപ്പിലാണ്. ചിത്രത്തിന്റെ ഫസ്റ്റ് ലുക്ക് പോസ്റ്ററും പിന്നീടിറങ്ങിയ പോസ്റ്ററുകളുമെല്ലാംതന്നെ ആരാധകരെ ആവേശത്തിലാക്കിയിരുന്നു. പ്രേക്ഷകരുടെ ആകാംക്ഷ ഒന്നുകൂടി ഉയര്ത്തിക്കൊണ്ട് ചിത്രത്തിന്റെ ഒഫീഷ്യല് ടീസര് പുറത്തിറങ്ങി.
'ബയോഗ്രഫി ഓഫ് എ വിജിലന്റ് കോപ്പ്' എന്ന ടാഗ് ലൈനോടുകൂടി ഇറങ്ങുന്ന ഈ ത്രില്ലര് ചിത്രത്തിന്റെ തിരക്കഥയൊരുക്കുന്നത് ഉദയകൃഷ്ണയാണ്. മോഹന്ലാല് ചിത്രം ആറാട്ടിനുശേഷം ബി. ഉണ്ണികൃഷ്ണനും ഉദയകൃഷ്ണയും ഒരുക്കുന്ന ചിത്രമാണിത്. 2010-ല് പുറത്തിറങ്ങിയ പ്രമാണിക്ക് ശേഷം മമ്മൂട്ടിയും ബി. ഉണ്ണികൃഷ്ണനും ഒന്നിക്കുന്ന ചിത്രമെന്ന പ്രത്യേകതയും ക്രിസ്റ്റഫറിനുണ്ട്.
സ്നേഹ, അമലപോള്, ഐശ്വര്യ ലക്ഷ്മി എന്നിവര് നായികമാരാവുന്ന ചിത്രത്തില് മറ്റൊരു സുപ്രധാന വേഷത്തില് തെന്നിന്ത്യന് താരം വിനയ് റായും ആദ്യമായി മലയാളത്തില് എത്തുന്നുണ്ട്. ആര്.ഡി. ഇലുമിനേഷന്സാണ് ചിത്രം നിര്മിക്കുന്നത്. ഷൈന് ടോം ചാക്കോ, ദിലീഷ് പോത്തന്, സിദ്ദീഖ്, ജിനു എബ്രഹാം, വിനീത കോശി, വാസന്തി തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. കൂടാതെ മുപ്പത്തഞ്ചോളം പുതുമുഖങ്ങള് ചിത്രത്തിന്റെ ഭാഗമായിട്ടുണ്ടെന്നുള്ളതാണ് സിനിമയുടെ മറ്റൊരു പ്രത്യേകത.
ഓപ്പറേഷന് ജാവ ഒരുക്കിയ ഫൈസ് സിദ്ദിഖ് ആണ് ചിത്രത്തിന് വേണ്ടി ക്യാമറ ചലിപ്പിക്കുന്നത്. സംഗീതം: ജസ്റ്റിന് വര്ഗീസ്, എഡിറ്റിങ്: മനോജ്, പ്രൊഡക്ഷന് കണ്ട്രോളര്: അരോമ മോഹന്, കലാ സംവിധാനം: ഷാജി നടുവില്, വസ്ത്രാലങ്കാരം: പ്രവീണ് വര്മ, ചമയം: ജിതേഷ് പൊയ്യ, ആക്ഷന് കൊറിയോഗ്രഫി: സുപ്രീം സുന്ദര്, ചീഫ് അസോസിയേറ്റ്: സുജിത്ത് സുരേഷ്, പി.ആര്.ഒ: പി ശിവപ്രസാദ്, നിയാസ് നൗഷാദ്, മാര്ക്കറ്റിങ്: ഒബ്സ്ക്യൂറ എന്റര്ടൈന്മെന്റ്സ്, സ്റ്റില്സ്: നവീന് മുരളി, ഡിസൈന്: കോളിന്സ് ലിയോഫില് എന്നിവരാണ് ചിത്രത്തിലെ മറ്റ് അണിയറ പ്രവര്ത്തകര്.
Content Highlights: mammootty christopher teaser released
Published: 01 Jan 2023, 07:58 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented