ടോക്യോ: ജപ്പാന്‍ മുന്‍ പ്രധാനമന്ത്രി ഷിന്‍സോ ആബെയുടെ കൊലപാതകി ടെറ്റ്സുയ യാമഗാമി നേരത്തെ ഒരു മതനേതാവിനേയുംകൊലപ്പെടുത്താന്‍ പദ്ധതിയിട്ടിരുന്നുവെന്ന് പോലീസ്. തന്റെ മാതാവിനെ സാമ്പത്തിക ബാധ്യതയിലേക്ക് എത്തിച്ച മതനേതാവിനെ കൊലപ്പെടുത്താനാണ് ആസൂത്രണം നടത്തിയതെന്ന് ടെറ്റ്സുയ യാമഗാമി പോലീസിനോട് വെളിപ്പെടുത്തി.

To advertise here,

അതേസമയം, ആബെയുടെ രാഷ്ട്രീയ നിലപാടുകളോടുള്ള എതിര്‍പ്പുകളാണ് അദ്ദേഹത്തിന്റെ കൊലപാതകത്തിലേക്ക് നയിച്ചതെന്ന ചോദ്യം പ്രതി നിഷേധിച്ചിട്ടുണ്ട്. ആബെയുമായി ബന്ധമുണ്ടെന്ന് കരുതുന്ന ഒരു പ്രത്യേക കൂട്ടായ്മയോട് പ്രതിക്ക് വിദ്വേഷമുണ്ട് ഇതാണ് കൊലപാതകത്തിലേക്ക് നയിച്ചതെന്നാണ് പോലീസിന് ഉദ്ധരിച്ച് ജപ്പാന്‍ മാധ്യമങ്ങള്‍ റിപ്പോര്‍ട്ട് ചെയ്തത്. ഈ കൂട്ടായ്മ മതവിഭാഗ സംഘമാവാമെന്നാണ് പ്രാഥമിക നിഗമനം. 

ഇന്നലെയാണ് ആബെ തിരഞ്ഞെടുപ്പ് പ്രചാരണത്തിനിടെ വെടിയേറ്റ് കൊല്ലപ്പെട്ടത്. പ്രതിയെ പോലീസ് ഇന്നലെ തന്നെ കസ്റ്റഡിയിലെടുത്തിരുന്നു. സ്വയം നിര്‍മിച്ച തോക്കുപയോഗിച്ചാണ് പ്രതി കൃത്യം നടത്തിയത്. ജപ്പാനീസ് മാരിടൈം സെല്‍ഫ്-ഡിഫന്‍സ് ഫോഴ്സിലെ മുന്‍ അംഗമാണ് ടെറ്റ്സുയ യാമഗാമി.