എരുമേലി: അസൗകര്യങ്ങൾ വകവയ്ക്കാതെയുള്ള തീർഥാടക പ്രവാഹം കണക്കിലെടുത്ത് കാനനപാതയിൽ സമയക്രമം ഏർപ്പെടുത്തി. എരുമേലി വനമേഖലയിൽ കോയിക്കകാവുവഴി കാളകെട്ടിയിലേക്ക് ഭക്തർക്ക് കടന്നുപോകാനുള്ള സമയം രാവിലെ ആറുമുതൽ വൈകീട്ട് അഞ്ചുവരെയാണ്. ഈ ഭാഗത്ത് വനപാലകരുടെ നേതൃത്വത്തിൽ വനസംരക്ഷണസമിതിയുടെ സഹകരണത്തിലാണ് ഭക്തരുടെ യാത്രയ്ക്ക് സൗകര്യം ഒരുക്കുന്നത്. കാളകെട്ടി കഴിഞ്ഞാൽ അഴുതക്കടവായി. പമ്പാ റേഞ്ചും പെരിയാർ കടുവാ സങ്കേതവും.

To advertise here,

സമയക്രമം

  • സത്രം-രാവിലെ ഏഴുമുതൽ ഉച്ചയ്ക്ക് ഒരുമണിവരെ.
  • അഴുതക്കടവ്-രാവിലെ ഏഴുമുതൽ ഉച്ചകഴിഞ്ഞ് 2.30 വരെ.
  • മുക്കുഴി-രാവിലെ ഏഴുമുതൽ ഉച്ചകഴിഞ്ഞ് മൂന്ന് വരെ.
  • ശബരിമല-സത്രം (തിരികെ വരുന്നത്) രാവിലെ എട്ടുമുതൽ രാവിലെ 11-വരെ.

രണ്ടുദിനം-കാനനപാത താണ്ടിയത് 1674 ഭക്തർ

വൃശ്ചികപ്പുലരിമുതൽ ചൊവ്വാഴ്ചവരെ കാനന പാതയിലൂടെ നടന്നുപോയത് 1674-ഭക്തർ. തിങ്കളാഴ്ച അഴുതക്കടവ് വഴി 587-ഭക്തരും മുക്കുഴി വഴി 487-ഭക്തരും. ചൊവ്വാഴ്ച മൊത്തം 600-ഭക്തരാണ് പരമ്പരാഗത കാനനപാതയിലൂടെ കടന്നുപോയത്. പുതുശ്ശേരി, കരിമല, വള്ളിത്തോട് ഭാഗങ്ങളിൽ അത്യാവശ്യ ചികിത്സാ സൗകര്യങ്ങളും കടകളും സജ്ജമായതായി പമ്പാ റെയ്‌ഞ്ച് ഓഫീസർ എം.കെ. മുകേഷ് പറഞ്ഞു.