
കൊച്ചി: അമേരിക്കൻ വിപണിയിൽ ഇന്ത്യൻ സിനിമകൾ പണംവാരുന്നു. അമേരിക്കയിൽ ഏറ്റവും കൂടുതൽ കളക്ഷൻ നേടിയ 10 ഇന്ത്യൻ സിനിമകളിൽ അഞ്ചും പിറന്നത് കഴിഞ്ഞ രണ്ടുവർഷങ്ങൾക്കിടയിൽ. കഴിഞ്ഞ വർഷം ജൂണിൽ റീലിസ് ചെയ്ത ‘കൽക്കി 2898 എഡി’യാണ് ഈ പട്ടികയിൽ ഒന്നാമതുള്ളത്. 18.6 ദശലക്ഷം യുഎസ് ഡോളറാണ് കൽക്കി നേടിയത്.
കഴിഞ്ഞ വർഷം റിലീസ് ചെയ്ത അല്ലു അർജുൻ ചിത്രമായ പുഷ്പ-2 ദി റൂളും 2023-ൽ റിലീസ് ചെയ്ത അനിമൽ, ജവാൻ, പഠാന് എന്നീ സിനിമകളും ടോപ് ടെൻ പട്ടികയിൽ സ്ഥാനം പിടിച്ചു.
2007-ൽ റിലീസ് ചെയ്ത ‘ദി നെയിം സെയ്ക്’ എന്ന സിനിമ 13.6 ദശലക്ഷം ഡോളർ നേടിയശേഷം ഇന്ത്യൻ സിനിമകൾ അമേരിക്കൻ വിപണിയിൽ അത്ര മികച്ച പ്രകടനം കാഴ്ചവെച്ചിരുന്നില്ല. പിന്നീട് പത്തുവർഷത്തിനുശേഷമാണ് സിനിമകൾ വിപണി പിടിച്ചത്. 2016-ൽ പുറത്തിറങ്ങിയ ആമിർ ഖാൻ ചിത്രം ‘ദംഗൽ’ 12.4 ദശലക്ഷം ഡോളർ നേടി. അതിനുപിന്നാലെ 2018-ൽ ‘പത്മാവതും’ 2022-ൽ ആർആർആറും മികച്ച കളക്ഷൻ സ്വന്തമാക്കി.
അമേരിക്കയിൽനിന്ന് ഏറ്റവും കൂടുതൽ പണം ലഭിച്ച ഇന്ത്യൻ സിനിമ 2017-ൽ പുറത്തിറങ്ങിയ ‘ബാഹുബലി-2’ ആണ്. 20.8 ദശലക്ഷം ഡോളർ.
Content Highlights: Discover the top 10 highest-grossing Indian films in the US market, including recent blockbusters
Published: 11 May 2025, 08:58 am IST
ABOUT THE AUTHOR
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented