ആഷിഖ് അബു, വേണു, ജയ് കെ എന്നിവരുടെ സംവിധാനത്തില് ഒരുക്കുന്ന ആണും പെണ്ണും എന്ന ആന്തോളജി ചിത്രത്തിന്റെ ട്രെയ്ലര് പുറത്തിറങ്ങി. മോഹന്ലാലാണ് ട്രെയ്ലര് പുറത്ത് വിട്ടത്. മാര്ച്ച് 26-ന് ചിത്രം റിലീസ് ചെയ്യും.
പാര്വതി തിരുവോത്ത്, ആസിഫ് അലി എന്നിവരെ കേന്ദ്ര കഥാപാത്രങ്ങളാക്കി ഒരുക്കുന്ന സിനിമയുടെ തിരക്കഥയും വേണുവിന്റേത് തന്നെയാണ്.
ഉണ്ണി ആറിന്റെ തിരക്കഥയില് ആഷിഖ് അബു സംവിധാനം ചെയ്യുന്ന ചിത്രത്തില് റോഷന് മാത്യു, ദര്ശന, നെടുമുടി വേണു കവിയൂര് പൊന്നമ്മ, ബേസില് ജോസഫ് എന്നിവരാണ് കേന്ദ്ര കഥാപാത്രങ്ങളാകുന്നത്. തിരക്കഥാകൃത്ത് ബെന്നി പി നായരമ്പലവും ചിത്രത്തില് ഒരു പ്രധാന വേഷത്തിലെത്തുന്നുണ്ട്.
ജോജു ജോര്ജിനേയും സംയുക്താ മേനോനെയും ഇന്ദ്രജിത്തിനെയും കേന്ദ്രകഥാപാത്രങ്ങളാക്കി ജയ് കെ സംവിധാനം ചെയ്യുന്ന ചിത്രത്തിന് തിരക്കഥ ഒരുക്കുന്നത് സന്തോഷ് ഏച്ചിക്കാനമാണ്.
ഷൈജു ഖാലിദ്, വേണു, സുരേഷ് രാജന് എന്നിവര് ചിത്രത്തിനായി ക്യാമറ ചലിപ്പിക്കുന്നു. സൈജു ശ്രീധരന്, ബിനാ പോള്, ഭവന് ശ്രീകുമാര് എഡിറ്റിംഗ്. ബിജിബാല്, ഡോണ് വിന്സെന്റ് സംഗീത സംവിധാനം. ഗോകുല് ദാസും ജ്യോതിഷ് ശങ്കറുമാണ് പ്രൊഡക്ഷന് ഡിസൈന്. പി കെ പ്രൈം പ്രൊഡക്ഷന്റെ ബാനറില് സി.കെ പദ്മകുമാര്, എം. ദിലീപ് കുമാര് എന്നിവരാണ് നിര്മ്മാണം.
Content Highlights: Aanum Pennum Official Trailer released by Mohanlal, Venu, Aashiq Abu, Jay K, Rajeev Ravi, Parvathy, Samyuktha, Roshan, Darshana, Geoju Gerorge, Asif Ali, Kaviyoor Ponnamma, Nedumudi Venu
Published: 21 Mar 2021, 10:27 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented