ഫെബ്രുവരി രണ്ടിനാണ് അമേരിക്കന്‍ മോഡലും സംരംഭകയുമായ കെയ്‌ലി ജെന്നറിനും പങ്കാളി അമേരിക്കന്‍ റാപ്പര്‍ ട്രാവിസ് സ്‌കോട്ടിനും രണ്ടാമത്തെ കുഞ്ഞ് ജനിക്കുന്നത്. ഫെബ്രുവരി 11-ന് മകന്റെ പേര് വോള്‍ഫ് വെബ്‌സ്റ്റര്‍ എന്നാണെന്ന് കെയ്‌ലി സോഷ്യല്‍ മീഡിയയിലൂടെ അറിയിച്ചിരുന്നു. തൊട്ടുപിന്നാലെ കുഞ്ഞിന്റെ പേരിനെച്ചൊല്ലി വലിയതോതിലുള്ള വിമര്‍ശനമാണ് താരം നേരിട്ടത്. 

To advertise here,

ഇതോടെ കുഞ്ഞിന്റെ പേരില്‍ മാറ്റം വരുത്തുകയാണെന്ന് കഴിഞ്ഞദിവസം കെയ്‌ലി അറിയിച്ചു. മകന്റെ 'വോള്‍ഫ്' എന്ന പേര് മാറ്റുകയാണ്. ആ പേര് അവന് ശരിക്കും യോജിച്ചതല്ലെന്ന് ഞങ്ങള്‍ തിരിച്ചറിഞ്ഞു. എല്ലായിടത്തും വോള്‍ഫിനെ(ചെന്നായ) കണ്ടതുകൊണ്ടാണ് ഇക്കാര്യം നിങ്ങളെ അറിയിക്കുന്നത്-ഇന്‍സ്റ്റഗ്രാമില്‍ പങ്കുവെച്ച സ്‌റ്റോറിയില്‍ കെയ്‌ലി വ്യക്തമാക്കി. 

അതേസമയം, മകന് നല്‍കിയ പുതിയ പേര് ഏതെന്ന് കെയ്‌ലിയും ട്രാവിസും പുറത്തുവിട്ടിട്ടില്ല. 

ഗര്‍ഭകാലവും പ്രസവവും എല്ലാം ഉള്‍ക്കൊള്ളുന്ന വീഡിയോ അടുത്തിടെ കെയ്‌ലി യൂട്യൂബില്‍ പങ്കുവെച്ചിരുന്നു. മകന് സമര്‍പ്പിച്ചുകൊണ്ടാണ് ഈ വീഡിയോ അവര്‍ ഷെയര്‍ ചെയ്തിരിക്കുന്നത്. 

2017-ലാണ് കെയ്‌ലിയും ട്രാവിസും ഒന്നിച്ചത്. 2018-ല്‍ കെയ്‌ലി ആദ്യത്തെ കുട്ടി സ്‌റ്റോമി വെബ്‌സ്റ്ററിന് ജന്മം നല്‍കി. എന്നാല്‍, 2019-ല്‍ ഇരുവരും പിരിഞ്ഞു. 2021-ല്‍ ഇരുവരും ബന്ധം പുനഃസ്ഥാപിച്ചു.