അണ്ണാറക്കണ്ണനും കൂട്ടുകാരും എവിടേക്കാണ് പോയതെന്നറിയാമോ?

അണ്ണാറക്കണ്ണനും കൂട്ടരുമൊന്നിച്ച്

മാമ്പഴം തിന്നുവാൻ പോയിരുന്നു

മാമ്പഴം തിന്നിട്ട് മാങ്ങാണ്ടിയൊക്കെയും

തൊടിയിൽ കുഴിച്ചവരിട്ടിരുന്നു

നാളേറെ ചെന്നപ്പോൾ

മഴയൊന്ന് പെയ്തപ്പോൾ

മാങ്ങാണ്ടിയൊക്കെ മുളച്ച് വന്നു.

അണ്ണാറക്കണ്ണനും കൂട്ടരും ഒന്നിച്ച്

വളമിട്ട് വെള്ളമൊഴിച്ചുപിന്നെ

കാറ്റത്തുലയുന്ന മാവിൻ തലപ്പുകൾ

കൗതുകത്തോടവർ നോക്കി നിന്നു

നാളേറെ ചെല്ലുമ്പോൾ മാവിന്റെ ചില്ലയിൽ

ചാഞ്ചാടും മാമ്പഴം സ്വപ്നം കണ്ടു!